मोबाईलमध्ये ‘या’ 5 गोष्टी दिसल्यास समजून घ्या तुमचा फोन हॅक झालाय, दुर्लक्ष केल्यास होऊ शकते मोठे नुकसान
इंटरनेटच्या युगात सायबर गुन्हेगार तुमचा फोन हॅक करून खासगी माहिती व पैसे चोरी करू शकतात, तर आजच्या लेखात आपण तुमचा फोन हॅक झाला आहे की नाही हे या 5 टिप्सच्या मदतीने जाणून घेऊयात.
आज स्मार्टफोन आपल्या वैयक्तिक आणि व्यावसायिक जीवनाचा अविभाज्य भाग बनला आहे. केवळ बँकिंगच नाही तर सोशल मीडिया आणि ऑफिसची सर्व कामे फोनद्वारे काही मिनिटांत होतात. तर वाढत्या सायबर गुन्हेगारीत तुमचा फोन हॅक झाला तर तुमची वैयक्तिक माहिती, फोटो, पासवर्ड आणि बँक तपशील लीक होऊ शकतात. अनेकांना प्रश्न पडत असेल की त्यांचा फोन हॅक झाला आहे की नाही हे कसे कळेल. जर तुमचा फोन हॅक झाला असेल तर मोबाईलमध्ये काही विशिष्ट गोष्टी दिसतात. चला या 5 गोष्टी कोणत्या आहेत ते आजच्या लेखात आपण जाणून घेऊयात ज्यांकडे त्वरित लक्ष देणे आवश्यक आहे…
फोन अचानक स्लो होतो
जर तुमचे डिव्हाइस कोणत्याही स्पष्ट कारणाशिवाय नेहमीपेक्षा हळू चालत असेल, अॅप्स उघडण्यास जास्त वेळ घेत असेल किंवा वारंवार हँग होत असेल तर ते मालवेअर किंवा स्पाय अॅपचे संकेत असू शकते. हो बॅकग्राउंडमध्ये चालणारे अज्ञात अॅप्स तुमचा डेटा चोरू शकतात.
बॅटरी लवकर संपतेय
जेव्हा फोन हॅक होतो तेव्हा संशयास्पद अॅप्स बॅकग्राउंडमध्ये सतत सक्रिय राहतात, ज्यामुळे बॅटरी जलद संपते. जर बॅटरीची स्थिती चांगली असेल पण चार्जिंग अजूनही लवकर संपत असेल, तर तुम्ही प्रथम तुमचा बॅटरी वापर तपासला पाहिजे.
अज्ञात ॲप्स आपोआप इंस्टॉल होत आहेत
जर तुम्हाला तुमच्या डिव्हाइसवर असे ॲप्स दिसत असतील जे तुम्ही इन्स्टॉल केलेले नाहीत, तर हे हॅकिंगचे एक मोठे लक्षण असू शकते. हॅकर्स रिमोट ॲक्सेसद्वारे तुमच्या फोनवर स्पायवेअर किंवा ट्रॅकिंग ॲप्स इन्स्टॉल करू शकतात आणि तुमच्या ॲक्टिव्हिटीवर लक्ष ठेवू शकतात.
विचित्र पॉप-अप आणि जाहिराती
जर तुम्हाला तुमच्या फोनच्या ब्राउझरवर किंवा होम स्क्रीनवर वारंवार विचित्र पॉप-अप दिसत असतील किंवा वेबसाइट आपोआप उघडत असतील किंवा विचित्र जाहिराती दिसत असतील, तर ते एक धोक्याची घंटा आहे. हे ॲडवेअर किंवा कोडमुळे असू शकते.
अज्ञात मेसेज किंवा कॉल
तुम्हाला जर तुमच्या डिव्हाइसवरून ऑटोमेटेड मेसेज येत असतील किंवा तुमच्या कॉल लॉगमध्ये अज्ञात नंबर दिसत असतील तर ताबडतोब चौकशी करा. हॅकर्स तुमच्या संपर्कांना स्पॅम मेसेज पाठवत असतील किंवा OTP चोरण्याचा प्रयत्न करत असतील. तुमच्या स्मार्टफोनमध्ये या 5 वार्निंग साइन दिसत असतील तर त्याकडे दुर्लक्ष करू नका. तुमचा फोन हॅक झाल्याची ही लक्षणे असू शकतात.
