परवडणाऱ्या किंमतीत लावाने लाँच केला त्यांचा 50 मेगापिक्सेल सेल्फी कॅमेरा असलेला स्मार्टफोन, जाणून घ्या किंमत आणि फिचर्स
लावा कंपनीने त्यांचा नवीन स्मार्टफोन भारतीय बाजारात लाँच केला आहे. लावा कंपनीने सर्वांना परवडणाऱ्या किंमतीत हा फोन लाँच केला आहे. तर हा फोन मीडियाटेक डायमेन्सिटी 8350 चिपसेट सह यात 50 एमपी प्रायमरी कॅमेरा आणि 50 एमपी सेल्फी कॅमेरा आहे. आजच्या लेखात लावाच्या या फोनची किंमत आणि फिचर्सबद्दल जाणून घेऊयात.
भारतीय स्मार्टफोन कंपनी लावाने त्यांचा नवीन मिड-रेंज फोन, लावा अग्नि 4 लाँच केला आहे. हा फोन ऑक्टोबर 2024 मध्ये लाँच झालेल्या लावा अग्नि 3 ची सक्सेसर आहे. तर लाँच करण्यात आलेल्या या स्मार्टफोनमध्ये 6.67-इंचाचा 120Hz फ्लॅट AMOLED डिस्प्ले आहे जो अॅल्युमिनियम अलॉय मेटल फ्रेममध्ये आहे. हा फोन मीडियाटेक डायमेन्सिटी 8350 चिपसेटने चालवला जातो आणि 5000mAh बॅटरी पॅकही देण्यात आलेला आहे. तर यामध्ये 50MP सेल्फी कॅमेरा देखील आहे.
लावा अग्नि 4 ची किंमत आणि उपलब्धता
लावा अग्नि 4 ची भारतात किंमत 22,999 आहे, ज्यामध्ये 8 जीबी रॅम आणि 256 जीबी स्टोरेज आहे. तथापि कंपनीच्या मते ही सुरुवातीची किंमत आहे आणि त्यात डेबिट/क्रेडिट कार्ड ऑफर समाविष्ट आहेत. हा फोन फॅंटम ब्लॅक आणि लूनर मिस्ट दोन रंगांच्या पर्यायांमध्ये येतो. हा फोन 25 नोव्हेंबर रोजी दुपारी 12 वाजेपासून अमेझॉनवर खरेदीसाठी उपलब्ध असेल.
लावा अग्नि 4 ची फिचर्स आणि स्पेसिफिकेशन
लावाच्या याफोनमध्ये 6.67 इंचाचा फ्लॅट AMOLED स्क्रीन आहे ज्याचा रिफ्रेश रेट 120Hz, लोकल पीक ब्राइटनेस 2400 निट्स आणि पिक्सेल डेन्सिटी 446 PPI आहे. सॉफ्टवेअरच्या बाबतीत, हा स्मार्टफोन स्टॉक अँड्रॉइड 15 वर चालतो. कंपनीने तीन अँड्रॉइड अपग्रेड आणि चार वर्षांच्या सुरक्षा अपडेट्सचे आश्वासन दिले आहे. तर फोनच्या डिझाइनमध्ये अॅल्युमिनियम अलॉय फ्रेम आणि एजी मॅट ग्लास बॅक आहे. स्क्रीन कॉर्निंग गोरिल्ला ग्लासने संरक्षित आहे. फोन IP64 डस्ट आणि स्प्लॅश रेझिस्टन्स रेटिंगसह देखील येतो.
हे मीडियाटेक डायमेन्सिटी ८३५० चिपसेटद्वारे समर्थित आहे, ८ जीबी एलपीडीडीआर५एक्स रॅम आणि २५६ जीबी यूएफएस ४.० स्टोरेजसह जोडलेले आहे. फोनमध्ये ४,३०० चौरस मिमी क्षेत्रफळ असलेली व्हीसी लिक्विड कूलिंग सिस्टम देखील आहे.
कॅमेऱ्याबद्दल बोलायचे झाले तर यात 50 मेगापिक्सेल प्रायमरी (f/१.८८, OIS), 8 मेगापिक्सेल अल्ट्रा-वाइड-अँगल कॅमेरा आणि 50 मेगापिक्सेल (EIS) फ्रंट कॅमेरा समाविष्ट आहे. फ्रंट आणि बॅक दोन्ही कॅमेरे 4K 60fps व्हिडिओ रेकॉर्ड करण्यास सक्षम आहेत. फोनमध्ये 5000mAh बॅटरी आहे आणि 66W फास्ट चार्जिंगला सपोर्ट करते. कनेक्टिव्हिटी पर्यायांमध्ये 5G, 4G LTE, Wi-Fi 6E, ब्लूटूथ 5.4, USB 3.2 टाइप-सी, एक IR ब्लास्टर, ड्युअल स्टीरिओ स्पीकर्स आणि एक मायक्रोफोन यांचा समावेश आहे.
