Nitesh Rane : आता झाडांवरूनही हिंदू-मुसलमान… तपोवनच्या वादात मंत्री नितेश राणे यांनी ईदच्या बकरीला आणलं खेचून! नेमकं काय म्हणाले?

नाशिकमधील ऐतिहासिक तपोवनातील वृक्षतोडीचा मुद्दा आता राजकीय आणि धार्मिक वादात बदलला आहे. भाजपचे मंत्री नितेश राणे यांनी या प्रकरणात हिंदू-मुसलमान वादाची एन्ट्री केली आहे. झाडांना मिठी मारणाऱ्या पर्यावरणप्रेमींना त्यांनी ईदच्या बकरीला मिठी का मारत नाहीत, असा सवाल केला. त्यांच्या या विधानावर अनेकांनी प्रश्नचिन्ह उपस्थित केले आहे, तसेच या दोन गोष्टींचा संबंध काय, असा सवालही केला जात आहे. सरकार कुंभमेळ्यासाठी साधूग्राम उभारण्यासाठी तपोवनातील शेकडो झाडे तोडण्याचा विचार करत आहे. या तपोवनाचे ऐतिहासिक आणि धार्मिक महत्त्व आहे, जिथे राम-सीतेने वास्तव्य केले होते. नाशिककर, कलाकार, साहित्यिक आणि काही हिंदुत्ववादी संघटनांसह अनेक गट या वृक्षतोडीला विरोध करत आहेत. झाडे वाचवण्यासाठी मोहिम सुरू झाली असून, सोशल मीडियावरही याला मोठा पाठिंबा मिळत आहे. मुख्यमंत्री एकनाथ शिंदे यांनी पर्यावरणाचे रक्षण करण्यावर भर दिला असला तरी, राणेंच्या विधानामुळे या मुद्द्याला नवा आयाम मिळाला आहे.