8000mAh टायटन बॅटरी आणि 50MP कॅमेरा असलेला नवीन 5G फोन ‘या’ दिवशी भारतात होणार लाँच
रियलमी कंपनी त्यांचा नवीन स्मार्टफोन जुनच्या दुसऱ्या आठवड्यात लाँच करण्याच्या तयारीत आहेत. ज्यामध्ये 8000mAh क्षमतेची टायटन बॅटरी देण्यात आलेली आहे. तर 144Hz रिफ्रेश रेट डिस्प्ले असणार आहे. चला तर मग आजच्या लेखात आपण या फोनची लाँच तारीख जाणून घेऊयात.
रियलमी कंपनीने गेल्या काही दिवसांपासून त्यांचा नवीन स्मार्टफोन एका मोठ्या बॅटरीसह बाजारपेठेत सादर करण्याच्या तयारीत आहेत. Realme P4R 5G असे नवीन स्मार्टफोनच नाव आहे. तर हा फोन कधी लाँच होईल याची उत्सकुता लागली असता कंपनीने या फोनच्या लाँचची तारीख जाहीर केली आहे. हे नवीन डिव्हाइस पुढील आठवड्यात भारतात लाँच होणार आहे. चला तर मग आजच्या लेखात आपण सर्वप्रथम फोनच्या लाँचचे तपशील आणि फिचर्सबद्दल जाणून घेऊयात.
रियलमी कंपनी 10 जून 2026 रोजी हा फोन भारतीय बाजारपेठेत अधिकृतपणे सादर करणार आहे. या नवीन डिव्हाइसमध्ये दीर्घकाळ टिकणारी बॅटरी, सुधारित फोटोग्राफी क्षमता आणि एक अद्वितीय डिझाइन आहे. मध्यम-श्रेणी विभागात हा फोन एक उत्तम पर्याय ठरू शकतो.
या नवीन Realme P4R 5G चे मुख्य फिचर्स म्हणजे त्याची 8,000mAh क्षमतेची टायटन बॅटरी. ही बॅटरी खास मार्केट सेगमेंटमध्ये सर्वात मोठी क्षमता असलेली आहे. एवढी मोठी बॅटरी असूनही कंपनीने हा फोन स्लिम आणि वजनाने हलका बनवला आहे.
रियलमी पी4आर 5जी ची वैशिष्ट्ये
अलीकडेच फोनच्या बॉक्सचा एक फोटोही समोर आला आहे, ज्यामधून त्याची जवळपास सर्व वैशिष्ट्ये उघड झाली आहेत. बॉक्सच्या फोटोवरून असे दिसून येते की या फोनमध्ये 8000mAh क्षमतेची मोठी सिलिकॉन-कार्बन बॅटरी असेल.
तर या फोनमध्ये 144Hz रिफ्रेश रेट आणि HD+ डिस्प्ले असण्याची शक्यता वर्तवण्यात येत आहे. तर या फोनमध्ये कमाल ब्राइटनेस 1,200 nits पर्यंत असू शकते. तसेच या डिव्हाइसमध्ये 45W वायर्ड फास्ट चार्जिंग सपोर्ट आणि 5,300mm² VC कूलिंग सिस्टीम असण्याचीही शक्यता आहे.
रियलमी पी४आर ५जी चे कॅमेरा स्पेसिफिकेशन्स
कॅमेऱ्याच्या बाबतीत बोलायचे झाल्यास, Realme P4R मध्ये 50MP चा प्रायमरी कॅमेरा आणि एक सेकंडरी कॅमेरा असण्याची शक्यता आहे. तसेच यामध्ये MediaTek Dimensity 6300 प्रोसेसर असण्याचीही शक्यता आहे.
