6500mAh बॅटरी असलेला Oppo चा हा 5G स्मार्टफोन स्वस्त व्हेरिएंटसह झाला लाँच, जाणून घ्या
Oppo चा हा 5G फोन 4GB रॅम आणि 64GB स्टोरेज व्हेरिएंटमध्ये लाँच करण्यात आला आहे. हा फोन विद्यार्थी आणि पहिल्यांदाच स्मार्टफोन खरेदी करणाऱ्यांना लक्षात घेऊन लाँच करण्यात आला आहे. चला तर मग आजच्या लेखात या फोनची किंमत जाणून घेऊयात.
Oppo K14x 5G गेल्या फेब्रुवारीमध्ये लाँच करण्यात आला होता आणि आता कंपनीने हँडसेटचे नवीन रॅम आणि स्टोरेज व्हेरिएंट सादर केले आहेत. ग्राहक आता हा फोन 4GB रॅम आणि 64GB स्टोरेज व्हेरिएंटमध्ये खरेदी करू शकतात. या नवीन बेस व्हेरिएंटमागील उद्देश विद्यार्थ्यांना आणि पहिल्यांदाच स्मार्टफोन वापरणाऱ्यांसाठी हँडसेट अधिक सुलभ बनवणे आहे. चला तर मग या फोनची किंमत आणि स्पेसिफिकेशन जाणून घेऊयात.
Oppo K14x 5G ची भारतातील किंमत
4 जीबी रॅम आणि 64 जीबी स्टोरेज असलेल्या या नवीन व्हेरिएंटची किंमत 12 हजार 999 रुपये आहे. यापूर्वी कंपनीने 4 जीबी रॅम आणि 128 जीबी असलेल्या व्हेरिएंट किंमत 14,999 रूपये आणि 6 जीबी रॅम आणि 128 जीबी स्टोरेज व्हेरिएंट किंमत 16,999 रुपये लाँच केले होते. हँडसेट खरेदी करणाऱ्या ग्राहकांना 750 रुपयांची त्वरित बँक सूट आणि तीन महिन्यांचा नो-कॉस्ट ईएमआय पर्याय मिळेल, ज्यामुळे त्यांना फोन खरेदी करणे सोपे होईल. तुम्ही हा फोन कंपनीच्या वेबसाइटवरून तसेच फ्लिपकार्टवरून आइसी ब्लू आणि प्रिझम व्हायलेट रंगांमध्ये खरेदी करू शकता.
Oppo K14x 5G पर्याय
20 हजार रुपयांपेक्षा कमी किमतीचा हा फोन realme P4x 5G, Nothing Phone 2 Pro, MOTOROLA G86 Power 5G आणि vivo T4x 5G सारख्या स्मार्टफोनशी स्पर्धा करतो.
Oppo K14x 5G चे स्पेसिफिकेशन्स
डिस्प्ले: हँडसेटमध्ये 6.75-इंचाचा एचडी+ रिझोल्यूशन एलसीडी स्क्रीन आहे ज्याचा रिफ्रेश रेट 120 हर्ट्झ, 240 हर्ट्झ पर्यंत टच सॅम्पलिंग रेट आणि 1125 निट्स पर्यंत पीक ब्राइटनेस सपोर्ट आहे.
चिपसेट: हा हँडसेट मीडियाटेक डायमेन्सिटी 6300 प्रोसेसर आणि एआरएम माली-जी57 एमसी2 जीपीयूने सुसज्ज आहे.
कनेक्टिव्हिटी: फोनमध्ये वाय-फाय 5, ब्लूटूथ व्हर्जन 5.4, 3.5 मिमी ऑडिओ जॅक, यूएसबी टाइप सी पोर्ट, ग्लोनास, जीपीएस आणि क्यूझेडएसएस सपोर्ट आहे.
कॅमेरा: फोनमध्ये 50 मेगापिक्सेलचा प्रायमरी कॅमेरा आणि मागील बाजूस 2 मेगापिक्सेलचा मोनोक्रोम कॅमेरा आहे. सेल्फीसाठी 5 मेगापिक्सेलचा कॅमेरा उपलब्ध आहे.
बॅटरी: 6500mAh बॅटरी 45W वायर्ड फास्ट चार्जिंग सपोर्टसह उपलब्ध असेल.
ओएस: ड्युअल सिमसह येणारा, हा हँडसेट अँड्रॉइड 15 वर आधारित कलरओएस 15 वर चालतो.
