12GB रॅम, 5000mAh बॅटरीसह Realme चा नवीन स्मार्टफोन लाँच, जाणून घ्या किंमत आणि फीचर्स
रियलमी (Realme) या चिनी स्मार्टफोन निर्मात्या कंपनीने आपल्या V सिरीज अंतर्गत नवीन स्मार्टफोन लाँच केला आहे. कंपनीने या फोनचे नाव रियलमी व्ही 23 (Realme V23) असे ठेवले आहे.
मुंबई : रियलमी (Realme) या चिनी स्मार्टफोन निर्मात्या कंपनीने आपल्या V सिरीज अंतर्गत नवीन स्मार्टफोन लाँच केला आहे. कंपनीने या फोनचे नाव रियलमी व्ही 23 (Realme V23) असे ठेवले आहे. या स्मार्टफोनमध्ये octa-core MediaTek Dimensity 810 प्रोसेसर दिला आहे. ज्यामध्ये 6.58 इंचांची स्क्रीन आणि 48 मेगापिक्सेलचा कॅमेरा आहे. Realme V23 दोन व्हेरिएंटमध्ये सादर करण्यात आला आहे. या स्मार्टफोनच्या बेस व्हेरिएंटमध्ये 8GB पर्यंत रॅम देण्यात आला आहे. यासोबत 256GB पर्यंत इंटर्नल मेमरी देण्यात आली आहे. दुसऱ्या (टॉप व्हेरिएंट) पर्यायात 12GB रॅम आणि 256GB स्टोरेज स्पेस मिळेल. Realme V23 सध्या चीनमध्ये लॉन्च झाला आहे. त्याची विक्रीही सुरू झाली आहे. मात्र हा फोन भारतात कधी लाँच (India Launch) करणार याबाबत कंपनीने अद्याप कोणतीही माहिती शेअर केलेली नाही.
या फोनच्या बेस व्हेरिएंटची किंमत 1,699 युआन (जवळपास 20,300 रुपये) आहे. तर त्याच्या टॉप व्हेरिएंटची किंमत 1,899 युआन (जवळपास 22,700 रुपये) ठेवण्यात आली आहे. हा हँडसेट ग्लास मॅजिक आणि ग्रेव्हल ब्लॅक कलर पर्यायांमध्ये उपलब्ध करून देण्यात आला आहे.
Realme V23 चे स्पेसिफिकेशन्स
Realme V23 मध्ये 6.58-इंचाची FHD + IPS LCD स्क्रीन आहे. त्याचे पिक्सेल रिझोल्यूशन 2408×1080 पिक्सेल आहे. यामध्ये MediaTek Dimensity 810 प्रोसेसर देण्यात आला आहे. यात 12GB पर्यंत रॅम आहे. या स्मार्टफोनमध्ये Octa-core MediaTek Dimensity 810 प्रोसेसर देण्यात आला आहे.
याशिवाय यामध्ये 256GB पर्यंत इंटर्नल मेमरी देण्यात आली आहे. फोटोग्राफीबद्दल बोलायचे झाले तर याच्या बॅक पॅनलवर ड्युअल कॅमेरा मॉड्यूल देण्यात आला आहे. त्याचा प्रायमरी कॅमेरा 48-मेगापिक्सलचा आहे. यासोबत 2 मेगापिक्सलचा सेकेंडरी कॅमेरा यात देण्यात आला आहे.
फोनच्या पुढील बाजूस सेल्फी आणि व्हिडीओ कॉलिंगसाठी 8 मेगापिक्सेलचा कॅमेरा आहे. या स्मार्टफोनमध्ये 33W फास्ट चार्जिंग सपोर्टसह 5000mAh क्षमतेची बॅटरी दिली आहे. यात साइड-माउंटेड फिंगरप्रिंट सेन्सरही आहे.
इतर बातम्या
GST स्लॅबमध्ये लवकरच मोठ्या बदलाची शक्यता; ‘अशी’ असेल नवी रचना