Viral Video : लहान मुलाच्या अजब कलेला कराल सलाम, तोंडातून काढतो यामाहा RX100 चा हुबेहुब आवाज
सोशल मिडीयावर रिल्सच्या माध्यमातून आपली कला दाखवित असतात यवतमाळ जिल्ह्यातील वणी तालुक्यातील एका मुलाच्या कलेने सर्व चकीत झाले आहेत.
नवी दिल्ली | 10 सप्टेंबर 2023 : सोशल मिडीयावर अनेक वेळा अनोखे चमत्कारीक व्हिडीओ पाहायला मिळत असतात. ज्याने आपले चांगलेच मनोरंजन होते. असाच अलिकडे एक व्हिडीओ प्रचंड व्हायरल होत आहे. ज्यात एक लहानगा आपल्या जिभेचा वापर करीत असा आवाज काढत आहे की तो ऐकून तो तुम्ही आश्चर्यचकीत झाल्यावाचून रहाणार नाही. हा छोटा मुलगा तरुणांची पसंतीची मोटरसायकल यामाहा आएक्स 100 चा हुबेहुब आवाज काढत आहे. सोशल मिडीयावरील युजर्स त्याच्या या कलेला दाद देत आहेत. युजर्सच्या मते या मुलाचे पाय पाळण्यात दिसत आहेत, लवकरच तो सेलिब्रिटी होणार आहे.
सोशल मिडीयावर रिल्सच्या माध्यमातून आपली कला दाखवित अनेक जण प्रसिद्धीच्या शिखरावर पोहचले आहेत. त्यामुळे सोशल मिडीयाचा वापर करीत अनेक जण प्रसिध्द होत आहेत. लहान मुलांचे गाण्याचे, डान्सचे आणि अभिनयाचे व्हिडीओ सोशल मिडीयावर वेगाने व्हायरल होत असतात. मोबाईलच्या शोधामुळे अनेकांच्या कलागुणांना नवीनच प्लॅटफॉर्म निर्माण झाला झाला. अशात एका लहान मुलाच्या व्हिडीओने त्याची कला जगासमोर आला आहे. हा मुलगा अगदी हुबेहुब RX100 मोटरसायकलचा आवाज काढत आहे. या मुलाचे नाव गोपाळ संदीप आसुटकर असे आहे. यवतमाळ जिल्ह्यातील वणी तालुक्यातील सेलू बु. या गावातील या चिमुकल्याने RX100 बाईक अगदी तंतोतंत काढला आहे.
मुलाचे टॅलेंट पाहा येथे –
या व्हिडीओत आधी हा मुलगा स्वत:चे नाव सांगतो आणि म्हणतो. आता आपण आरएक्स 100 बाईकचा आवाज काढणार आहे. या व्हिडीओला इंस्टाग्रामवरील royal_kastkar___ या अकाऊंटवरुन शेअर करण्यात आले आहे. या व्हिडीओ युजरने अनेक कमेंट दिल्या आहेत. एकाने कमेंट केली आहे की हा मुलगा काही दिवसातच सेलिब्रिटी बनेल. अन्य एका युजरने कमेंट केली की तुझ्याकडे लपलेले टॅलेंट आहे. अशा अनेक कमेंट त्याला मिळाल्या आहेत.
