हॉलिवूडच्या सुपरहिरो चित्रपटात हनुमानाचं पोस्टर का? व्हायरल स्क्रीनशॉटवर लोकांचे प्रश्न
या दोन्ही चित्रपटांचे कथानक वेगवेगळे असले, तरी त्यात एक गोष्ट साम्य आहे, ती म्हणजे दोन्ही चित्रपटांमध्ये हिंदू देवता हनुमान आहे. 'द फ्लॅश' मध्ये एक सीन आहे ज्यात हिरोच्या खोलीत हनुमानाचं पोस्टर दिसतंय. हा सीन इतका व्हायरल झालाय की सगळ्यांना एकच प्रश्न आहे, हॉलिवूड चित्रपटात, सुपरहिरो असणाऱ्या चित्रपटात हिंदू देवता हनुमान?"
मुंबई: सध्या दोन चित्रपट प्रचंड चर्चेत आहेत. हे दोन्ही चित्रपट एकाच दिवशी रिलीज झालेत. एक बॉलिवूडचा चित्रपट आणि एक हॉलिवूडचा. ‘आदिपुरुष’ आणि ‘द फ्लॅश’ हे दोन बिग बजेट चित्रपट गेल्या शुक्रवारी प्रदर्शित झाले. या दोन्ही चित्रपटांचे कथानक वेगवेगळे असले, तरी त्यात एक गोष्ट साम्य आहे, ती म्हणजे दोन्ही चित्रपटांमध्ये हिंदू देवता हनुमान आहे. ‘द फ्लॅश’ मध्ये एक सीन आहे ज्यात हिरोच्या खोलीत हनुमानाचं पोस्टर दिसतंय. हा सीन इतका व्हायरल झालाय की सगळ्यांना एकच प्रश्न आहे, हॉलिवूड चित्रपटात, सुपरहिरो असणाऱ्या चित्रपटात हिंदू देवता हनुमान का?”
गेल्या आठवड्यात डीसी कॉमिक्सच्या चाहत्यांनी अमेरिकन सुपरहिरो चित्रपट ‘द फ्लॅश’मधील एक फोटो शेअर करत नायकाच्या खोलीत हनुमानाचे पोस्टर असल्याचे सांगितले. या सीन मध्ये बैरी एलेन (एज्रा मिलर) आहे, जो आइरिस वेस्ट (किर्से क्लेमन्स) ड्रिंक्ससाठी त्याच्या खोलीत आमंत्रित करतो.
एका ट्विटर युजरने स्क्रीनशॉट शेअर करत लिहिले की, “फ्लॅश रूममध्ये हनुमानाचे पोस्टर होते, मला वाटले की संपूर्ण थिएटर आदिपुरुषात रुपांतरित होणार आहे. “हिंदू पौराणिक कथांशी दूरचाही संबंध नसलेल्या सुपरहिरो चित्रपटात सेट डिझायनरने हिंदू देवतेचे पोस्टर का निवडले याबद्दल देखील लोक उत्सुक होते. एका ट्विटर युजरने लिहिले की, ‘फ्लॅश मूव्हीमध्ये बॅरी अॅलनच्या खोलीत भगवान हनुमानाचा फोटो आहे. याचे कारण किंवा संदर्भ कोणाला माहित आहेत का?”
या दोन्ही चित्रपटांबाबत वाद
आदिपुरुषला प्रेक्षक आणि समीक्षकांकडून नकारात्मक प्रतिसाद मिळाला, तर ‘द फ्लॅश’ला संमिश्र प्रतिसाद मिळाला. विशेष म्हणजे हे दोन्ही चित्रपट वादाच्या भोवऱ्यात सापडले आहेत. आदिपुरुषच्या निर्मात्यांवर त्यांच्या खराब कथानक आणि चमकदार व्हिज्युअल इफेक्ट्समुळे टीका झाली होती. त्याचवेळी द फ्लॅशने अभिनेता एज्रा मिलरला दिलेल्या मुख्य भूमिकेवरून वाद निर्माण झाला होता, ज्यावर सार्वजनिक आणि शारीरिक अत्याचारात सामील असल्याचा आरोप करण्यात आला आहे.
