Video | जगातील सर्वाधिक महागडा उंट पाहिलात का?, उंट खरेदीसाठी चक्क साडेचौदा कोटींची बोली

इस्लामांचा पवित्र महिना असलेल्या रमजानपूर्वी (Ramadan) सौदी अरेबियामध्ये (Saudi Arabia) एक उंट (Camel) आतापर्यंतच्या सर्वाधिक महाग किमतीला विकला गेला आहे. या उंटावर लागलेली बोली ऐकूण तुम्हाला देखील आश्चर्य वाटेल. हा आतापर्यंतचा सर्वात महागडा उंट असल्याचे बोलले जात आहे.

जगातील सर्वाधिक महागडा उंट

Ajay Deshpande | Updated on: Mar 28, 2022 | 5:10 PM

इस्लामांचा पवित्र महिना असलेल्या रमजानपूर्वी (Ramadan) सौदी अरेबियामध्ये (Saudi Arabia) एक उंट (Camel) आतापर्यंतच्या सर्वाधिक महाग किमतीला विकला गेला आहे. या उंटावर लागलेली बोली ऐकूण तुम्हाला देखील आश्चर्य वाटेल. हा आतापर्यंतचा सर्वात महागडा उंट असल्याचे बोलले जात आहे. हा उंट तब्बल सात लाख सौदी रियाल भारतीय चलनामध्ये 14 कोटी 23 लाख 45 हजार 462 रुपयांना विकला गेला आहे. सौदी अरेबियाच्या एका स्थानिक न्यूज पोर्टल Al Mard ने याबाबत माहिती दिली आहे. या उटांच्या विक्रीसाठी लीलावाचे आयोजन करण्यात आले होते. या उंटाला खरेदी करण्यासाठी ग्राहकांनी गर्दी केली होती. लिलावाचा एक व्हिडीओ देखील समोर आला आहे. या व्हिडीओमध्ये एक सौदी अरेबीयन नागरिक आपल्या पारंपरीक पोषाखामध्ये दिसत आहे. तो उंटाची दोरी पकडून उभा आहे. त्यानंतर त्याने आपल्या जवळ असलेल्या मायक्रोफोनमधून या उंटावर बोली लावण्याचे आव्हान केले.

पहिल्यांदा साडेदहा कोटींची बोली

त्यानंतर या लिलावामध्ये या उंटावर सर्वप्रथम 5 मिलियन साऊदी रियाल म्हणजेच 10 कोटी 48 हजार 880 रुपयांची बोली लागली. ही बोली नंतर वाढत गेली. शेवटी हा उंट सात लाख सौदी रियालला विकला गेला. याची भारतीय चलनामध्ये 14 कोटी 23 लाख 45 हजार 462 रुपये इतकी किंमत होते. मात्र हा उंट कोणी घेतला. या उंटाचा खरेदीदार कोण होता? याबाबत गुप्तता पाळण्यात आली आहे.

उंट वाळवंटातील जहाज

तुम्ही व्हिडीओमध्ये पाहू शकता हा उंट लिलावासाठी सादर करण्यात आला आहे. या उंटाच्या आसपास सौदी अरेबियाचा पारंपरिक पोषाख घातलेले अनेक नागरिक उभा आहेत. ज्या उंटाचा लीलाव करण्यात आला तो उंट हा अत्यंत दुर्लभ प्रजातीचा माणण्यात येतो. या प्रजातीमधील उंट आपल्या सुंदरतेसाठी जगप्रसिद्ध आहेत. ज्या उंटाचा लीलाव करण्यात आला त्या प्रजातीचे खूप थोडे उंट आता जगात शिल्लक आहेत. सौदी अरेबियामध्ये पूर्णपणे वाळवंट आहे. उंटाला वाळवटांतील जहाज म्हटले जाते. त्यामुळे या देशात मोठ्या प्रमाणात दळणवळणासाठी तसेच अन्य कामांसाठी उंटाचा उपयोग होतो.