3 स्टार, 5 स्टार आणि 7 स्टार हॉटेल्समध्ये नेमका फरक काय? कसे ठरते रेटींग? जाणून घ्या A टू Z माहिती
हॉटेल बुकिंग करताना, तुम्ही अनेकदा हॉटेल्सच्या नावापुढे 1, 3 किंवा 5 स्टार रेटिंग पाहिले असतील. पण ही स्टार रेटिंग्ज नक्की कशावर आधारित असतात आणि त्यांच्यात काय फरक असतो, हे तुम्हाला माहीत आहे का? चला, हॉटेल्सच्या स्टार रेटिंग्सबद्दल आणि त्यातील सुविधांबद्दल सविस्तर माहिती घेऊया.
आपण अनेकदा फिरायचे प्लॅनिंग करताना मुक्कामासाठी हॉटेल्सचे बुकींग करतो. यावेळी काही हॉटेल्सच्या नावासमोर स्टार दिलेले असतात. यावर १ स्टार, ३ स्टार, ५ स्टार असे स्टार्स नक्कीच पाहायला मिळतात. पण या हॉटेल्स हे स्टार रेटिंग कसे दिले जाते आणि त्यांच्यातील नेमका फरक काय असतो, याबद्दल तुम्हाला माहिती आहे का? नाही ना… चला तर मग, आज आपण 1 स्टारपासून 7 स्टार हॉटेल्सपर्यंतच्या सुविधा आणि त्यांच्यातील फरकांबद्दल जाणून घेऊया. हॉटेल्सना स्टार रेटिंग कसे मिळते? हॉटेल्सना स्टार रेटिंग देताना अनेक गोष्टींचा विचार केला जातो. यामध्ये खोल्यांचा आकार, पुरवल्या जाणाऱ्या सुविधा, स्वच्छता, सेवांची गुणवत्ता आणि अनुभव यांचा समावेश असतो. तसेच यातील रेस्टॉरंट, स्विमिंग पूल, स्पा, जिम, कॉन्फरन्स सुविधा आणि इतर सेवांवरून हॉटेलचे रेटिंग ठरवले जाते. अधिकृतपणे हॉटेल्सना 1 ते 5 स्टार असेच रेटिंग दिले जातात. 5 स्टारपेक्षा जास्त लक्झरी आणि खास सुविधा देणारी हॉटेल्स स्वतःला अनधिकृतपणे 7...
