या गावात निघाली अनोखी अंत्ययात्रा, सगळ्या महिला सहभागी झाल्या, एकही पुरुष नव्हता, कारण…
कालचिती पंचायतमधील रामचंद्रपूर गावात राहणाऱ्या 40 वर्षीय जुंआ सबर यांचा मृत्यू झाला. हे गाव घाटशिला पोलीस ठाण्यातंर्गत येतं. जुंआ सबर यांच्या अंत्ययात्रेमध्ये गावातील सगळ्या महिला सहभागी झाल्या होत्या. एकही पुरुष त्यामध्ये नव्हता.
झारखंडच्या सिंहभूम जिल्ह्यात एक हैराण करणारं प्रकरण समोर आलय. या जिल्ह्यातील एका गावात फक्त एकच पुरुष रहात होता. आजारपणामुळे त्याचा मृत्यू झाला. त्यावेळी गावातील महिलांनीच एकत्र येऊन त्याची तिरडी बांधली. मयत व्यक्तीच्या मुलींनी त्याला खांदा दिला. पत्नी अंत्ययात्रेमध्ये सहभागी झालेली. सर्व महिलांनी मिळून त्या व्यक्तीवर अंत्यसंस्कार केले. या गावातील सगळे पुरुष मजुरीसाठी केरळ आणि तामिळनाडूमध्ये वास्तव्याला असतात. फार कमी वेळा ते गावी येतात.
कालचिती पंचायतमधील रामचंद्रपूर गावात राहणाऱ्या 40 वर्षीय जुंआ सबर यांचा मृत्यू झाला. हे गाव घाटशिला पोलीस ठाण्यातंर्गत येतं. गावात राहणारा तो एकमेव पुरुष होता. गावातील महिलांनी मिळून त्याच्यावर अंत्यसंस्कार केले. हे गाव खूप मागासलेलं असून इथे राहणारे लोक मोठ्या प्रमाणात मजुरीवर अवलंबून आहेत. गावात सबर जातीचे लोक राहतात. या गावची लोकसंख्या कमी होत आहे. त्यांची हालत खूप खराब आहे. लोक विस्थापितांच जीवन जगत आहेत. जुंआ सबरच्या मृत्यूमुळे नातेवाईकासह संपूर्ण गाव शोकमग्न आहे.
गावात किती लोक राहतात?
मीडिया रिपोर्टनुसार, रामचंद्रपूर गाव जंगलामध्ये आहे. इथे सबर जातीची 28 घरं आहेत. यात 80 ते 85 लोक राहतात. गावातील जवळपास 20 पुरुष मजुरीसाठी दुसऱ्या राज्यात राहतात. या गावात जुंआ सबर हा एकमेव पुरुष राहत होता. काही दिवसांपूर्वी तो आजारी पडला. त्यामुळे त्याचा मृत्यू झाला. गावात एकही पुरुष नव्हता. म्हणून महिलांनी त्याच्यावर अंत्यसंस्कार केले. महिलांनी त्याची तिरडी बांधली व अंत्ययात्रा काढली.
दोन लग्न झालेली
मृत जुंआ सबरची दोन लग्न झाली होती. पहिल्या पत्नीचा मृत्यू झाला. त्याच्या मुलींनी अंत्ययात्रेत वडिलांना खांदा दिला. दुसरी पत्नी अंत्ययात्रेत सहभागी झाली होती. मुलींनी अन्य महिलांच्या मदतीने खड्ड खोदून त्यात मृतदेहाच दफन केलं. मृत जुंआ सबर यांचा 17 वर्षांचा मुलगा तामिळनाडूमध्ये मजुरी करतो.
