16 हजारात घेतला मासा, 3 वर्षानंतर माशाने दाखवले रंग, घराबाहेर तोबा गर्दी
लोक घरात सुंदर तसेच आकर्षक दिसण्यासाठी फिशपॉट ठेवतात. यासाठी लोकांची पसंती नेहमीच वेगळ्या रंगाच्या माशांना असते. इंग्लंडमधील असाच एक मासा लोकांमध्ये चर्चेत आला आहे. ज्याबद्दल जाणून घेतल्यानंतर तुम्हाला आश्चर्य वाटेल कारण या माशाचा चेहरा माणसांसारखा बदलत राहतो. जाणून घ्या
सध्या एक मासा चर्चेत आला आहे. एका माणसाने आपल्या तलावासाठी एक मासा विकत घेतला. हा मासा खूप खास आहे. तलावात टाकल्यानंतर त्या माशाने असे काही केले की घरच्यांनाच नव्हे तर आजूबाजूच्या लोकांनाही आश्चर्याचा धक्का बसला. याविषयी खाली जाणून घ्या.
निसर्गाने निर्माण केलेले हे जग खूप चकीत करणारे आहे. येथे असे अनेक जीव आहेत, ज्यांची माहिती शास्त्रज्ञ आजतागायत नीट गोळा करू शकलेले नाहीत. हेच कारण आहे की जेव्हा जेव्हा हे जीव आपल्यासमोर येतात तेव्हा आपल्याला त्यांना पाहून आश्चर्य वाटते. कारण, आपल्याकडे त्यांच्याबद्दल फारशी माहिती नसते. असाच एक मासा सध्या लोकांमध्ये चर्चेत आहे.
16 हजारांचा मासा
‘डेली स्टार’ या इंग्रजी वेबसाईटमध्ये प्रसिद्ध झालेल्या वृत्तानुसार, इंग्लंडमधील लीड्समध्ये राहणाऱ्या 48 वर्षीय माल्कम पोसन यांनी 3 वर्षांपूर्वी एक कार्प खरेदी केला होता. ज्याची किंमत 16 हजारांहून अधिक होती. त्यांनी माशाचे नाव बॉब ठेवले आणि तलावात ठेवले जिथे इतर 11 मासे देखील होते. शेजाऱ्यांनी सांगितले की, माल्कमकडे जो मासा आहे तो रंग बदलण्यात माहिर आहे.
हा मासा खास का?
माल्कमचा तलाव संपूर्ण परिसरात सर्वात खास होता. आता काळाच्या ओघात बॉबच्या नव्या माशानेही आपला रंग दाखवायला सुरुवात केली. हे पाहिल्यानंतर तिथे उपस्थित असलेले लोक खूप चकीत झाले. खरं तर झालं असं की, बॉबच्या शरीराच्या खुणात बराच बदल झाला होता.
माल्कमला माशाच्या डोक्यावर मानवी खुणा अगदी मानवी डोळा, नाक आणि तोंडासारखी असल्याचे लक्षात आले. या सर्व गोष्टी पाहिल्यानंतर माल्कमला खूप आश्चर्य वाटले. कारण त्याआधी त्याने कधीही माशाचा चेहरा पाहिला नव्हता. त्यामुळेच हा मासा माल्कमसाठी सर्वात खास ठरला आहे. त्याने सांगितले की, त्याचे मित्र आणि कुटुंबातील लोकांना तो मासा खूप आवडतो.
तो मासा पाहण्यासाठी नेहमीच कोणीतरी असते. मात्र, माल्कम कधीच कुणाला अडवत नाही आणि अनोळखी लोकांनाही येऊन मासे पाहण्याची परवानगी देतो. तर अनेकदा घराजवळून गेल्यावर ते नेहमी माशांकडे डोकावून पाहत असतात.
या माशाबद्दल त्यांनी प्रसारमाध्यमांशी बोलताना सांगितले की, जेव्हा त्यांनी हा मासा विकत घेतला तेव्हा त्याच्या चेहऱ्यावर कोणतेही चिन्ह नव्हते. हा मासा अतिशय लोभी असून त्याला नेहमी काहीतरी खाण्याची गरज असल्याचेही त्यांनी सांगितले. ज्याची काळजी घ्यावी लागते.
