#लतामंगेशकर : मी शब्दांच्या पलिकडे व्यथित, लतादीदींच्या जाण्यानं झालेली पोकळी भरून न येणारी; मोदींकडून श्रद्धांजली
Lata Mangeshkar Nidhan मुंबई : ज्येष्ठ पार्श्वगायिका लता मंगेशकर (Lata Mangeshkar) यांचं निधन झालं आहे. वयाच्या 93व्या वर्षी त्यांनी जगाचा निरोप घेतला. मुंबईतल्या ब्रीच कँडी रुग्णालया(Breach Candy Hospital)त आयसीयूमध्ये त्यांच्यावर उपचार सुरू होते.
Lata Mangeshkar Nidhan मुंबई : ज्येष्ठ पार्श्वगायिका लता मंगेशकर (Lata Mangeshkar) यांचं निधन झालं आहे. वयाच्या 93व्या वर्षी त्यांनी जगाचा निरोप घेतला. मुंबईतल्या ब्रीच कँडी रुग्णालया(Breach Candy Hospital)त आयसीयूमध्ये त्यांच्यावर उपचार सुरू होते. कोरोना(Corona)ची लागण झाल्यानंतर जवळपास महिनाभर त्या हॉस्पिटलमध्ये होत्या. त्यांना व्हेंटिलेटरवर ठेवण्यात आलं होतं. मात्र रविवारी सकाळी 8.12 वाजण्याच्या सुमारास त्यांनी अखेरचा श्वास घेतला. संगीतविश्वासह जगभरातल्या त्यांच्या चाहत्यांवर शोककळा पसरलीय. लता मंगेशकरांची प्रकृती चिंताजनक झाल्यानंतर त्यांच्यवर उपचार करणाऱ्या डॉक्टरांनी तसेच त्यांच्या कुटुंबीयांनी लता मंगेशकर यांच्या चांगल्या प्रकृतीसाठी प्रार्थना करण्याचं आवाहन केलं होतं. डॉक्टरांनीही शर्थीचे प्रयत्न केले, मात्र आज सकाळी त्यांची प्राणज्योत मालवली. आता जगभरातून त्यांना श्रद्धांजली वाहिली जातेय. सोशल मीडियावर लता मंगेशकर, #”Nightingale of India”, भारतरत्न, ओम शांती असे हॅशटॅग ट्रेंड होत आहेत. अनेकजण त्यांना आपापल्या परीनं श्रद्धांजली अर्पण करतोय. पंतप्रधान नरेंद्र मोदींसह विविध मान्यवरांनी त्यांना श्रद्धांजली अर्पण केलीय.
मोदींकडून श्रद्धांजली
मी शब्दांच्या पलीकडे व्यथित आहे. प्रेमळ आणि काळजी घेणाऱ्या लतादीदी आम्हाला सोडून गेल्या. त्या सोडून गेल्यानं एक पोकळी निर्माण झालीय, जी कधीही भरून येणार नाही. येणाऱ्या पिढ्या त्यांना भारतीय संस्कृतीतल्या एक दिग्गज म्हणून स्मरणात ठेवतील. त्यांच्या मधूर आवाजात लोकांना मंत्रमुग्ध करण्याची अतुलनीय क्षमता होती, अशा शब्दांत पंतप्रधान नरेंद्र मोदींनी आपल्या भावना व्यक्त केल्या.
