Gadag School Viral Video: शाळेत उशिरा आले म्हणून टॉयलेट स्वच्छ करायची शिक्षा! व्हिडीओ व्हायरल होताच शिक्षण विभागाकडून चौकशीचे आदेश

school girls viral video

Image Credit source: Social Media

शिक्षा (Punishment) म्हणून टॉयलेट स्वच्छ (Toilet Cleaning) करण्यास विद्यार्थ्यांना भाग पाडलं : कर्नाटकातील गदग जिल्ह्यातून एक धक्कादायक घटना समोर आली आहे. नागवी शाळेत शालेय विद्यार्थी स्वच्छतागृह साफ करताना दिसले. या घटनेचा व्हिडिओ व्हायरल झाला आहे. हा व्हिडिओ एका स्वयंपाक्याने शेअर केल्याची माहिती आहे. हा व्हिडिओ 12 जुलै रोजी कुकने विजयालक्ष्मी चालवडी यांनी शूट केला होता. गदग येथील नागवी येथील शासकीय प्राथमिक व उच्च प्राथमिक शाळेत ही घटना घडली. दरम्यान, शाळेतील स्वच्छतागृहे साफ करतानाचे सहावी आणि सातवीच्या विद्यार्थ्यांचे फोटो आणि व्हिडिओ (Viral Video Of Students) समोर आल्यानंतर गदग येथील शिक्षण विभागाने चौकशीचे आदेश दिले आहेत.

शिक्षा म्हणून स्वच्छतागृहाची स्वच्छता

वेळेवर न आल्यामुळे शाळा प्रशासनाने शिक्षा म्हणून स्वच्छतागृहे स्वच्छ करण्यास सांगितल्याचा आरोप विद्यार्थ्यांच्या पालकांनी केला. या प्रकरणाची चौकशी सुरू असल्याचे शिक्षण विभागाकडून सांगण्यात आले. एका वृत्तपत्राच्या वृत्तानुसार, स्वयंपाकी विजयलक्ष्मी यांनी सांगितले की, “मी शाळेत असताना, शौचालय साफ करण्यासाठी विद्यार्थी माझ्याकडे बादल्या आणि झाडू घेण्यासाठी आले होते. विद्यार्थ्यांनी मला सांगितले की शिक्षकांनी त्यांना तसे करण्यास सांगितले आहे. मला वाटले की हे करणे योग्य नाही. आणि अशा प्रकारे मी ही घटना माझ्या मोबाईल कॅमेऱ्यात रेकॉर्ड केली आणि व्हॉट्सॲपवर शेअर केली.”

व्हिडिओ व्हायरल!

व्हिडिओ व्हायरल झाल्यानंतर चौकशीचे आदेश

हा व्हिडिओ व्हायरल होताच, हा व्हिडिओ शेअर केल्यामुळे स्वयंपाक्याला वरिष्ठ अधिकाऱ्यांच्या रोषाला सामोरे जावे लागले. हा व्हिडिओ पाहिल्यानंतर लोकांनी विविध प्रकारच्या प्रतिक्रिया दिल्या. एका युझरने लिहिले की, “अतिशय दु:खद आणि निंदनीय कृती. दोषींना कठोरात कठोर शिक्षा दिली पाहिजे.” मी तुम्हाला सांगतो की ही एक सरकारी शाळा आहे, जिथे ही धक्कादायक घटना घडली.