जेष्ठ नागरिकांसाठी मोठी बातमी, रिटर्न भरण्यासाठी मिळाली सूट

तुम्ही दोन घरांचे मालक आहात का? आयकरात सूट मिळवण्यासाठी हे महत्त्वाचे नियम जाणून घ्या

नवी दिल्ली : आयकर विभागा(Income Tax Department)ने 2021-22 या आर्थिक वर्षासाठी आयकर विवरणपत्र(Income Return) भरण्यासाठी 75 वर्षे व त्यापेक्षा जास्त वयाच्या ज्येष्ठ नागरिकांना सूट देण्यासाठी घोषणापत्र अधिसूचित केले आहे. ज्येष्ठ नागरिकांना हा फॉर्म बँकांकडे जमा करावा लागेल. आर्थिक वर्ष 2021-22 च्या अर्थसंकल्पात, 75 वर्षे आणि त्यापेक्षा जास्त वयाच्या ज्येष्ठ नागरिकांना कर परतावा भरण्यास सूट देण्याची तरतूद करण्यात आली आहे ज्यांना त्याच बँकेत पेन्शन उत्पन्न आणि मुदत ठेवींवर (एफडी) व्याज मिळते. या ज्येष्ठ नागरिकांना 1 एप्रिलपासून सुरू होणाऱ्या आर्थिक वर्षासाठी आयकर विवरणपत्र भरण्याची आवश्यकता राहणार नाही. (Big news for senior citizens, discounts for filing returns)

बँकेत जमा करावा लागेल फॉर्म

केंद्रीय प्रत्यक्ष कर मंडळाने (CBDT) अशा ज्येष्ठ नागरिकांसाठी नियम आणि घोषणा फॉर्म अधिसूचित केले आहेत. ज्येष्ठ नागरिकांना हा फॉर्म बँकेत सादर करावा लागेल, जे पेन्शन आणि व्याज उत्पन्नावर कर कापून सरकारकडे जमा करेल. जेथे पेन्शन जमा केले जाते त्याच बँकेतून व्याज उत्पन्न प्राप्त होते त्या बाबतीत आयकर भरण्याची सूट उपलब्ध होईल.

रिटर्न न भरण्याचे तोटे

प्राप्तिकर कायद्याअंतर्गत, निर्दिष्ट मर्यादेपेक्षा जास्त कमावणाऱ्या सर्व लोकांना रिटर्न भरावे लागते. ही मर्यादा ज्येष्ठ नागरिकांसाठी (60 वर्षे किंवा अधिक) आणि अत्यंत ज्येष्ठ नागरिकांसाठी (80 वर्षे आणि त्याहून अधिक) थोडी जास्त आहे. टॅक्स रिटर्न न भरल्याने दंड आकारला जातो तसेच संबंधित व्यक्तीला अतिरिक्त कर कपात (टीडीएस) भरावा लागतो.

अर्थसंकल्पात दिलासा

नांगिया अँड कंपनी एलएलपीचे संचालक इतेश दोधी म्हणाले की, अनुपालनाचे ओझे कमी करण्यासाठी 75 वर्षांपेक्षा जास्त वयाच्या ज्येष्ठ नागरिकांना बजेटमध्ये काही दिलासा देण्यात आला आहे. अर्थमंत्री निर्मला सीतारामन यांनी 2021-22 च्या अर्थसंकल्पीय भाषणात म्हटले होते की, स्वातंत्र्याच्या 75 व्या वर्धापन दिनानिमित्त सरकार 75 वर्षे आणि त्यावरील वयोवृद्ध नागरिकांवर अनुपालनाचा भार कमी करेल. (Big news for senior citizens, discounts for filing returns)

इतर बातम्या

महाराष्ट्राच्या राजकारणात संघर्षाची स्थिती, आरोप करताना मर्यादेचा विसर पडतोय, शरद पवारांकडून कानपिचक्या

नोकरीसाठी उत्तर प्रदेशातून खोपोलीत, सुट्टीच्या निमित्ताने मित्रांसोबत काशिद बीचवर, पोहण्यासाठी समुद्रात उतरला, तरुणाचा दुर्दैवी अंत