PM Investment Scheme : पंतप्रधान नरेंद्र मोदी यांनी केली या योजनेत गुंतवणूक, मग तुम्ही कशाला मागे राहता

नवी दिल्ली : जर तुम्ही सुरक्षित गुंतवणुकीचा पर्याय शोधत असला तर पोस्ट ऑफिसची ही योजना खास आहे. ही योजना खूप लोकप्रिय आहे. या योजनेत पंतप्रधान नरेंद्र मोदी (PM Narendra Modi) यांनी ही गुंतवणूक केली आहे. ही गुंतवणूक त्यांनी काही वर्षांपूर्वी केली होती. तर तुम्ही या योजनेत गुंतवणूक करु इच्छित असाल तर ही योजना तुम्हाला मालामाल करेल. जीवन विमा आणि राष्ट्रीय बचत प्रमाणपत्र (National Saving Certificate-NSC) अशी ही योजना आहे. या योजनेत गुंतवणूक करणे फायद्याचे ठरेल. कमीत कमी रुपयात गुंतवणूक सुरु करता येते. एक हजार रुपयांपासून या योजनेत गुंतवणूक करता येते. या योजनांमध्ये बचतीसोबतच ग्राहकांना चक्रव्याढ व्याजाचा (Compound Interest) मोठा लाभ मिळतो. विशेष म्हणजे या बचत योजनांना सरकारचे अभय आहे. त्यामुळे अल्पबचत योजनांमधील गुंतवणूक ही संपूर्णता सुरक्षित असते.

या योजनेत तुम्हाला जोखीममुक्त गुंतवणूक करता येते. पोस्ट ऑफिसच्या या योजनेत तुमचा पैसा एकदम सुरक्षित राहतो. नॅशनल सेव्हिंग सर्टिफिकेट योजनेत (National Savings Certificate) गुंतवणूक फायद्याची ठरते. या योजनेत पाच वर्षांचा लॉक-इन कालावधी असतो.

या योजनेत अवघ्या 5 वर्षात 20 लाख रुपयांचा परतावा मिळवता येतो. रक्कम जास्त गुंतवल्यास गुंतवणुकदारांना करोडपती सुद्धा होता येते. पाच वर्षांत चक्रव्याढ व्याजाच्या बळावर हा करिष्मा करता येतो. गुंतवणुकीवर कर सवलतही मिळते. योजनेत कमाल दीड लाख रुपयांची गुंतवणूक करता येते. या गुंतवणुकीवर खात्रीशीर परताव्यासोबतच सुरक्षिततेची पूर्ण हमी मिळते.

या योजनेत सध्या सरकार वार्षिक 6.8 टक्के दराने व्याज देत आहे. कम्पांऊड इंटरेस्टच्या मदतीने गुंतवणुकदाराची रक्कम कालावधी पूर्ण होण्यापूर्वी चांगलीच वाढते. या योजनेचा कालावधी 5 वर्षांचा आहे. गुंतवणुकदाराची इच्छा असेल तर या योजनेचा कालावधी वाढविता येतो. 5 वर्षे या योजनेत आणखी गुंतवणूक करता येते.

या योजनेत गुंतवणुकदाराला कर सवलतही (Tax Benefit) मिळते. ग्राहकाने केलेल्या एकूण गुंतवणुकीवर सरकारकडून प्राप्तिकराच्या कलम 80C अंतर्गत वजावटीचा लाभ मिळतो. दीड लाख रुपयांपर्यंतच्या मर्यादेवर गुंतवणुक करता येते. व्याजातून ग्राहकाला होणारा फायदा करपात्र आहे. गुंतवणुकदार व्याज उत्पन्न परताव्यात जमा करू शकतो.

या योजनेतंर्गत 5 वर्षांत 20.58 लाख रुपये मिळवता येतात. त्यासाठी तुम्हाला 15 लाख रुपयांची गुंतवणूक करावी लागेल. चक्रव्याढ व्याजाचा या रक्कमेवर फायदा मिळेल. 6.8 टक्के दराने तुम्हाला 6 लाख रुपयांचा फायदा मिळेल. त्यामुळे गुंतवणुकदाराला 20.58 लाख रुपये मिळतील. पाच वर्षांसाठी तुम्ही योजनेत एक लाख रुपये गुंतवल्यास व्याजाद्वारे 1,38,949 रुपये मिळतील. तर 2 लाखांच्या गुंतवणुकीवर व्याजासहीत 2,77,899 रुपये हाती येतील. 5 लाख गुंतवणुकीवर 6,94,746 रुपये मिळतील.