Gold Silver Price Today News | सोन्याच्या दरात 800 रुपयांची घसरण, चांदीची चमकही फिक्की, काय आहेत आजचे दर ?
Gold Silver Price Today News | सोन्या-चांदीच्या दरात सोमवारी, 22 ऑगस्ट रोजी घसरण झाली. तर चांदीची चमक ही कमी झाली. पाहुयात आजचा भाव
Gold Silver Price Today News | आज सोने खरेदीदारांसाठी खुषखबर आहे. मंगळवारी सोन्याच्या दरात पुन्हा घसरण झाली. सोमवारी सोन्याचे दर 200 रुपयांनी घसरले होते. मंगळवारी सोन्याच्या दरात (Gold Silver Price Today News) 600 रुपयांची घट नोंदवण्यात आली. दोन दिवसांत सोन्यात प्रति 10 ग्रॅम 800 रुपयांची घसरण झाली आहे. सोन्यासोबतच चांदीच्या किंमतीत ही फरक पडला आहे. सोन्याच्या किंमती घसरल्याने जागतिक मंदीच्या चर्चांचा सोन्यावर फार मोठा परिणाम होत असल्याचे दिसून येत नसल्याचे चित्र आहे. युरोपीयन राष्ट्रे (European Countries) सध्या मंदी आणि बेरोजगारीचा सामना करत असून या ठिकाणच्या मध्यवर्ती बँकांनी व्याजदर वाढवण्याच्या उपाययोजना आरंभल्या आहेत. अमेरिकन फेडरल रिझर्व्ह बँकेने (American Federal Reserve) व्याजदरात वाढ केलेली आहे. भारतीय रिझर्व्ह बँकेनेही रेपो दरात वाढ केलेली आहे.
अशी झाली घसरण
रविवारी 22 कॅरेट सोन्याचा भाव शुक्रवारी 47,800 रुपये होता, सोमवारी हा दर प्रति 10 ग्रॅमसाठी 200 रपयांनी घसरल्यानंतर दर 47,600 रुपये होता. मंगळवारी हाच भाव 600 रुपयांनी घसरला आणि 10 ग्रॅमसाठी 47,000 रुपयांवर स्थिरावला. तर 24 कॅरेटच्या 10 ग्रॅम सोन्यासाठी रविवारी 52,150 रुपये दर होता सोमवारी हा दर 10 ग्रॅमसाठी 220 रुपयांनी घसरून 51,930 रुपये झाला. तर मंगळवारी 10 ग्रॅमसाठी 700 रुपयांची घसरण होत हा भाव 51,230 रुपये झाला. चांदीचा भाव रविवारी 55,600 रुपये किलो होता. तो 400 रुपयांनी घसरुन सोमवारी 55,200 रुपये किलो झाला. मंगळवारी भाव पुन्हा 400 रुपयांनी घसरुन 54,900 रुपये किलो झाला.
राज्यातील चार शहरातील भाव
गुड रिटर्न्स वेबसाईटनुसार मुंबईमध्ये 22 कॅरेट सोन्याची किंमत प्रति 10 ग्रॅम 47,000 रुपये आहे. मुंबईत 24 कॅरेट सोन्याची किंमत 51,230 प्रति 10 ग्रॅम आहे. पुण्यात प्रति 10 ग्रॅम 22 कॅरेट सोन्याचा दर 47,030 आहे. तर 24 कॅरेट सोन्याचा दर 51,260 रुपये आहे. नागपूर मध्ये प्रति 10 ग्रॅम 22 कॅरेट सोन्याचा दर 47,030 तर 24 कॅरेट सोन्याचा दर 51,260 रुपये इतका आहे. नाशिकमध्ये 22 कॅरेट सोन्याचा दर 47,030 आहे तर प्रति 10 ग्रॅम 24 कॅरेट सोन्याचा दर 51,260 रुपये आहे. चांदीचा आजचा प्रती 10 ग्रॅमचा दर 552 रुपये आहे. उत्पादन शुल्क, राज्य कर आणि जडणघडणीसाठी आकरले जाणारे शुल्कामुळे (मेकिंग चार्जेसमुळे) सोन्याच्या दागिन्यांच्या किंमती भारतभर बदलतात.
24, 22, 21, 18 आणि 14 कॅरेटमध्ये काय असतो फरक
24 कॅरेट सोन्याला शुद्ध सोने म्हणतात. त्यात इतर कोणत्याही प्रकारचा धातू मिसळत नाही. याला 99.9 टक्के शुद्धतेचे सोने म्हणतात. 22 कॅरेट सोन्यात 91.67 टक्के शुद्ध सोनं असतं. इतर 8.33 टक्क्यांमध्ये इतर धातू असतात. त्याचबरोबर 21 कॅरेट सोन्यात 87.5 टक्के शुद्ध सोनं असतं. 18 कॅरेटमध्ये 75 टक्के शुद्ध सोनं असतं आणि 14 कॅरेट सोन्यात 58.5 टक्के शुद्ध सोनं असतं.
सोन्याची शुद्धता कशी तपासावी?
सोन्याची शुद्धता तपासण्यासाठी एक अ‍ॅप बनवण्यात आले आहे. ‘BIS Care app’ या अ‍ॅपच्या माध्यमातून ग्राहक सोन्याची शुद्धता तपासू शकतात. तसेच या अ‍ॅपच्या मदतीने आपण फक्त सोन्याची शुद्धताच तपासू शकत नाही तर यासंबंधित तक्रारीसुद्धा नोंदवू शकतो. वस्तूंचा परवाना, नोंदणी आणि हॉलमार्क क्रमांक चुकीचा असल्याचे आढळल्यास, ग्राहक या अ‍ॅपमधून लगेच त्याबद्दल तक्रार करू शकतात. या अ‍ॅपच्या माध्यमातून ग्राहकाला तक्रार नोंदविण्याबाबतची माहितीही तत्काळ मिळणार आहे.
24 कॅरेट शुद्ध सोन्यावर 999 लिहिलेले असते.
22 कॅरेट शुद्ध सोन्यावर 916 लिहिलेले असते.
21 कॅरेट शुद्ध सोन्यावर 875 लिहिलेले असते.
18 कॅरेट शुद्ध सोन्यावर 750 लिहिलेले असते.