पुणेकरांनो वाहनं बाहेर काढताना जपून! 40 सीएनजी पंप चालकांचा दोन दिवसांपासून संप, काय आहे कारण?

तुम्ही पुण्यात राहत असाल तर तुमच्यासाठी ही बातमी महत्त्वाची आहे. पुणेकरांनो जर तुम्ही तुमचे वाहन बाहेर काढत असाल तर जरा जपून! कारण पुण्यातील 40 सीएनजी पंप चालकांचा दोन दिवसांपासून संप सुरू आहे. नफ्याच्या मुद्द्यावरून सीएनजी पंप चालक आक्रमक झाले असून त्यांनी हा संप पुकारला आहे.

पुण्यात सीएनजी पंप चालकांचा संप असल्याने सीएनजी पंप बंद आहेत. त्यामुळे सीएनजीसाठी वाहन चालकांची मोठी गैरसोय होत असून चांगलीच धावपळ देखील होत आहे. जो पर्यंत नफ्याची मागणी मान्य केली जात नाही तो पर्यंत सीएनजी पंप बंद ठेवत संप सुरूच ठेवणार असल्याचा इशाराही पंप चालकांनी दिला आहे.