दरड कोसळल्यामुळे ‘हा’ रस्ता आता पूर्ण पावसाळा राहणार बंद; प्रशासन काय म्हणतयं?

सातारा, 31 जुलै 2023 | काही दिवसांपुर्वीच रायगडच्या इर्शाळवाडीत दरड कोसळली होती. या घटनेत ३० एक लोकांचा मृत्यू झाला होता. तर अनेक लोक जखमी झाली होते. तर अजूनही काही लोक बेपत्ता आहेत. त्यांना प्रशासनाने मृत घोषीत केलं. ही घटना ताजी असतानाच आता साताऱ्यातील पाटण तालुक्यात दरड कोसळ्याची घटना घडली आहे. येथील टोळेवाडी गावाला जोडणाऱ्या रस्त्यामध्ये दरड कोसळली आहे. त्यामुळे सध्या हा रस्ता स्थानिक प्रशासनाकडून वाहतुकीसाठी बंद करण्यात आलेला आहे. तर दरड कोसळल्यामुळे हा रस्ता आता पूर्ण पावसाळा बंद राहणार असल्याचे प्रशासनाने म्हटलं आहे. तर रस्ता बंद झाल्याने चार किलोमीटरचा पायी प्रवास इथल्या नागरिकांना करावा लागणार आहे. तर याचदरम्यान काहीच दिवसांच्याआधी टोळेवाडी येथे पाटणचे उपविभागीय अधिकारी जाऊन डोंगरकडाची पाहणी केली होती. तर पावसात अनुचित घटना घडल्यास तात्काळ मदत पोहचावी यासाठी सॅटेलाईट फोनची ट्रायल घेण्यात आली होती.