अभिजीत दीपके आजीच्या अंत्यदर्शनाला मुकले; दिल्ली पोलिसांच्या कारवाईमुळे नातेवाईकांची तीव्र नाराजी

दिल्ली येथे सुरू असलेल्या एका आंदोलनादरम्यान सीजीपीचे प्रमुख अभिजीत दीपके यांना दिल्ली पोलिसांनी ताब्यात घेतले. याच काळात त्यांच्या आजीचे निधन झाल्याची दुर्दैवी घटना घडली. अभिजीत दीपके यांना ताब्यात घेतल्यामुळे त्यांना आपल्या आजीच्या अंत्यदर्शनासाठी उपस्थित राहता आले नाही, अशी माहिती त्यांच्या नातेवाईकांनी दिली आहे. या प्रकारामुळे अभिजीत दीपके यांच्या नातेवाईकांनी दिल्ली पोलीस आणि सरकारचा तीव्र शब्दांत निषेध व्यक्त केला आहे.

नातेवाईकांच्या म्हणण्यानुसार, अभिजीत दीपके हे नेहमीच कुटुंबाच्या सुख-दुःखात सहभागी असत. त्यांना अशा प्रकारे अंत्यसंस्कारापासून वंचित ठेवणे ही अतिशय क्लेशदायक बाब आहे. नातेवाईकांनी हे कृत्य देशाला काळीमा फासणारे असल्याचे म्हटले आहे. सध्या अभिजीत दीपके आणि त्यांच्यासोबतच्या आणखी दोघांना जामिनावर सोडण्यात आले आहे. त्यांच्यासोबत सीजेपीच्या लीगल टीमचे प्रमुखही गाडीत उपस्थित होते. मात्र, जामीन मिळाल्यानंतर आता हे चौघे नेमके कोणत्या दिशेने जाणार, याबाबत अद्याप स्पष्टता नाही.