Aaditya Thackeray यांचं खोचक भाष्य; म्हणाले, ‘…अन् अर्ध्या तासात मुख्यमंत्र्यांचा परदेश दौरा रद्द’

मुंबई, २६ सप्टेंबर २०२३ | मुख्यमंत्री एकनाथ शिंदे १ ऑक्टोबरपासून परदेश दौऱ्यावर जाणार होते. यावेळी त्यांच्यासोबत उद्योगमंत्री उदय सामंत आणि काही अधिकारी देखील परदेश दौऱ्यावर जाणार होते. मात्र इंग्लंडसह जर्मनी असा १० दिवसांचा परदेश दौरा रद्द करण्यात आला आहे. दरम्यान, मुख्यमंत्री एकनाथ शिंदे यांच्या या परदेश दौऱ्यावरून उद्धव ठाकरे गटाचे नेते आदित्य ठाकरे यांनी जोरदार निशाणा साधला आहे. आदित्य ठाकरे यांनी ट्वीट करत मुख्यमंत्री एकनाथ शिंदे यांच्या परदेश दौऱ्यावर खोचक भाष्य केले आहे. ‘माझ्या ट्वीटनंतर अध्या तासात मुख्यमंत्री एकनाथ शिंदे यांचा परदेश दौरा रद्द करण्यात आला आहे. तर एकनाथ शिंदे यांचा फक्त सुट्टीसाठी परदेश दौरा होता. तर शिंदे यांचा इंग्लंड, जर्मनी हा दौरा दावोसच्या दौऱ्याप्रमाणे होता’, असा टोलाही त्यांनी लगावला.