व्हीएसआरच्या मालकांचं मोठं विधान, चूक असेल तर शिक्षा करा!

अजित पवारांच्या विमान अपघात प्रकरणी व्हीएसआर कंपनीचे मालक व्ही.के. सिंग यांची पुणे येथे सीआयडीकडून सलग तीन दिवस चौकशी करण्यात आली. अपघातात आपली चूक सिद्ध झाल्यास कठोर शिक्षेला सामोरे जाण्याची तयारी व्ही.के. सिंग यांनी दर्शवली आहे. तसेच, व्हीएसआरच्या विमानांची नियमित देखभाल केली जाते आणि अपघातग्रस्त विमानही सुस्थितीत होते, असे त्यांनी सीआयडीला सांगितले आहे. तत्कालीन कारणामुळे हा अपघात झाल्याचा त्यांचा दावा आहे.

या चौकशीदरम्यान, रोहित पवार यांनी व्ही.के. सिंग यांच्यावर गंभीर आरोप केले आहेत. पायलटला (सुमित) बळीचा बकरा बनवण्याचा प्रयत्न सुरू असल्याचा दावा रोहित पवार यांनी केला. सीआयडीकडून या प्रकरणी अद्याप कोणतेही अधिकृत निवेदन आलेले नाही. रोहित पवार यांनी या प्रकरणाच्या तपासाच्या दिशेवर प्रश्नचिन्ह उपस्थित केले आहे, तसेच आवश्यकता वाटल्यास पुराव्यासह प्रत्युत्तर देण्याची तयारी दर्शवली आहे.