Ajit Pawar | कोकणी माणूस विचारपूर्वक मतदान करतो हा इतिहास : अजित पवार

अजित पवार यांनी सुरुवातीला सर्वांना नवीन वर्षाच्या आणि नाताळच्या शुभेच्छा दिल्या. आपण डीपीडीसी आणि कोरोनाचा आढावा घेण्यासाठी आलो असल्याचे सांगितले. शिवराम भाऊ जाधव यांनी सिंधुदुर्ग जिल्ह्यात सहकाराचे मोठे काम करून ठेवले आहे. त्यांच्याशिवाय या जिल्ह्याचा इतिहास लिहिताच येणार नाही. हेच ध्यानात घेता यावेळी अजित पवारांनी शिवराम भाऊ जाधवांच्या कार्याला उजाळा दिला. ते म्हणाले, शिवराम भाऊंनी तळहाताच्या फोडासारखं बँकेला जपलं. कुठली संस्था चालवायची असेल, तर त्याचा प्रमुख कोण याला महत्त्व असतं. किंवा पाठिशी कोण राहणार याला ही महत्त्व असतं, हे सांगायलाही ते विसरले नाहीत.