“ठाकरे एकत्र आल्यास BMC मध्ये भीती! अमित ठाकरेंचं प्रत्युत्तर

महाराष्ट्र नवनिर्माण सेनेचे नेते अमित ठाकरे यांनी नेरूळ पोलिसांनी पाठवलेल्या नोटिशीवर आपली प्रतिक्रिया दिली आहे. काल पोलीस त्यांच्या शिवतीर्थ येथील निवासस्थानी नोटीस देण्यासाठी आले होते, मात्र त्यावेळी अमित ठाकरे घरी नव्हते. त्यांना ही माहिती फोनद्वारे देण्यात आली होती. आपण उद्या नेरूळ येथे जाऊन ही नोटीस स्वीकारणार असल्याचे त्यांनी स्पष्ट केले.

अमित ठाकरे यांनी यावेळी पोलिसांवर राजकीय दबाव असल्याचा दावा केला. “या गोष्टीत मला अनेक पोलिसांचे पण मेसेज आलेत की उत्तम झालंय म्हणून. त्या पोलिसांवर बिचाऱ्या किती प्रेशर असेल,” असे ते म्हणाले. त्यांना हे स्वतःच्या मर्जीने करत नसून यामागे दोन्ही ठाकरे एकत्र येण्याची शक्यता हे कारण असावे, असे मत त्यांनी व्यक्त केले. “दोन्ही ठाकरे एकत्र येण्याची भीती त्यांना महानगरपालिकेला दिसेल,” असे महत्त्वपूर्ण विधान त्यांनी केले, जे आगामी मुंबई महानगरपालिका निवडणुकांच्या दृष्टीने महत्त्वाचे मानले जात आहे. उद्या दुपारी एक वाजता ते नवी मुंबईत पोहोचणार आहेत.