नागपुरात आज महाविकास आघाडीची वज्रमूठ सभा; कोण-कोण उपस्थित राहणार?

अमरावती : नागपुरात आज महाविकास आघाडीची वज्रमूठ सभा होणार आहे.या वज्रमूठ सभेची मविआकडून जय्यत तयारी करण्यात आली आहे. ही सभा कशी होणार? या सभेला कोण-कोण उपस्थित राहणार? याविषयी शिवसेनेचे नेते आणि विधान परिषदेचे विरोधी पक्षनेते अंबादास दानवे यांनी माहिती दिली आहे. वज्रमूठ सभा ही महाविकास आघाडीची आहे. उद्धव ठाकरे या सभेला येणार आहेत. कोणत्या पक्षाच्या वतीने कोणते नेते येतील, हा त्यांचा पक्ष ठरवत असतो. सभा ही महाविकास आघाडीच्या तीन पक्षांची आहे.कोणत्या नेत्याची सभा नाही त्यामुळे कोण येतील कोण नाही हे त्यांचे त्यांचे पक्ष ठरवतात. अजितदादांनीच हा कार्यक्रम ठरवलेला आहे. त्यामुळे अजितदादा ही या सभेला येतील, असं दानवे म्हणाले आहेत.