Amruta Fadnavis | DJच्या आवाजावर अमृता फडणवीस स्पष्टच बोलल्या! सण साजरे करा, पण…

सण साजरे करताना नागरिकांनी नियमांचे पालन करावे आणि लोकांना कोणताही त्रास होणार नाही याची काळजी घ्यावी, असे मत अमृता फडणवीस यांनी व्यक्त केले आहे. डीजे बंदीच्या मागणीवर बोलताना त्यांनी ही प्रतिक्रिया दिली. सरकार आणि सर्वोच्च न्यायालयाच्या नियमावलीनुसारच सण उत्सव साजरे व्हावेत, असे त्यांनी स्पष्ट केले.

फडणवीस म्हणाल्या, “सण नक्कीच साजरे करायचे आहेत, पण जिथे आपण राहतो त्या सोसायटीतील लोकांनाच त्रास होत राहो असे व्हायला नको.” ध्वनिप्रदूषणाच्या नियमांनुसार आवाजाची तीव्रता असावी आणि सार्वजनिक ठिकाणी सण साजरे करताना नियमांचे काटेकोरपणे पालन करावे, असे आवाहन त्यांनी केले.

दहीहंडी उत्सवाबाबत बोलताना, त्यांनी महिलांच्या समान सहभागाचे समर्थन केले. “जर तुम्ही स्त्रियांना मनोरा बनवण्यासाठी सांगितले, तर ती समानतेची गोष्ट आहे. पण स्त्रियांकडून तिथे वेडेवाकडे नाच करवून घेणे मला योग्य वाटत नाही,” असे त्या म्हणाल्या. सणांमध्ये जे साजून छान दिसते, तेच करावे असे मत त्यांनी नोंदवले. एकूणच, सण उत्साहात साजरे करताना सामाजिक भान आणि नियमांचे महत्त्व त्यांनी अधोरेखित केले.