Anjali Damania : कराडला तुरूंगात मारहाण? अंजली दमानियांची पहिली प्रतिक्रिया; म्हणाल्या, ‘या टोळ्यांमध्ये दुश्मनी…’

‘माझ्यापर्यंत वाल्मिक कराड आणि सुदर्शन घुले याला तुरूंगात बेमद मारहाण झाल्याची माहिती पोहोचली नाही.’, असं म्हणत सामाजिक कार्यकर्त्या अंजली दमानिया यांनी कराडला तुरुंगात मारहाण झालेल्या माहितीवर भाष्य केले आहे. पुढे त्या असेही म्हणाल्या की, तुरूंगात मकोका अंतर्गत वाल्मिक कराडसह इतरही काही आरोपी शिक्षा भोगत आहेत. त्या वेग-वेगळ्या टोळ्या आहेत. या टोळ्यांमध्ये आपापसात काहीतरी भांडणं झाली असावी. कारण या टोळ्यांमध्ये टोकाची दुश्मनी होती. त्यामुळे जर मारहाण झाली जरी असेल तरी यात काही नवल नसल्याचे दमानिया यांनी म्हटले आहे. तर तुरूंग प्रशासनाचं अशा घटनांमध्ये अपयश वाटतं का? असा सवाल केला असता दमानियांनी यावर देखील थेट भाष्य केले आहे. ‘या आरोपींची बराक वेगवेगळी होती. सुदर्शन घुले आणि वाल्मिक कराड हे जेलच्या एका बराकमध्ये असताना ही मारहाण कशी झाली, कुठे झाली? याची माहिती नाही. पण यासंदर्भातील माहिती नक्की बोलेने’, अशी प्रतिक्रिया अंजली दमानिया यांनी दिली.