Ashish Shelar : हिंदू दुबार मतदारांना बडवा अन् मुस्लिम असेल तर… ठाकरें बंधूंच्या ‘त्या’ वक्तव्यावर शेलारांचं उत्तर

भाजप नेते आशिष शेलार यांनी ठाकरे बंधूंवर दुबार मतदारांच्या मुद्द्यावर जोरदार टीका केली आहे. शेलार यांच्या मते, ठाकरे हिंदू आणि दलित दुबार मतदारांना “बडवण्याचे” आवाहन करतात. तर, मुस्लिम दुबार मतदारांच्या बाबतीत “पांघरूण” घालण्याची भूमिका घेतात. राज ठाकरे आणि उद्धव ठाकरे यांनी बिहार, उत्तर भारतीय, जैन आणि गुजराती मतदारांविरोधात भूमिका घेतल्याचे स्मरण शेलार यांनी करून दिले.

आशिष शेलार यांनी प्रश्न केला की, ठाकरेंना केवळ मराठी आणि हिंदू दुबार मतदारच दिसतात का. त्यांनी विविध मतदारसंघातील कथित दुबार मुस्लिम मतदारांची आकडेवारी सादर केली. यात कर्जत-जामखेडमधील रोहित पवार यांच्यासाठी 5,532. साकोलीमधील नाना पटोले यांच्यासाठी 477. वांद्रे पूर्वेकडील वरुण सरदेसाई यांच्यासाठी 13,313. मुंब्रा विधानसभा मतदारसंघातील जितेंद्र आव्हाड यांच्यासाठी 30,601. माळशिरसमधील उत्तम जानकर यांच्यासाठी 4,399 आणि विक्रोळीमधील सुनील राऊत यांच्यासाठी 3,450 दुबार मुस्लिम मतदारांचा समावेश होता. या आकडेवारीद्वारे शेलार यांनी ठाकरे बंधूंच्या भूमिकेवर प्रश्नचिन्ह उपस्थित केले.