सरसंघचालक हा हिंदू म्हणून निवडला जाईल! मोहन भागवतांनी स्पष्टच सांगितलं

राष्ट्रीय स्वयंसेवक संघाचे सरसंघचालक मोहन भागवत यांनी सरसंघचालकाच्या निवडीबाबत आणि संघ कार्यातून निवृत्तीच्या संकल्पनेवर महत्त्वपूर्ण भाष्य केले आहे. भागवत यांच्या मते, सरसंघचालक हा क्षत्रिय, वैश्य किंवा इतर कोणत्याही विशिष्ट वर्णाचा नसून, तो केवळ हिंदू असला पाहिजे. अनुसूचित जाती (एससी) किंवा अनुसूचित जमाती (एसटी) मधील व्यक्ती देखील हे पद भूषवू शकते, असे त्यांनी स्पष्ट केले. या विधानामुळे संघाच्या समावेशक विचारधारेवर प्रकाश टाकण्यात आला आहे.

निवृत्तीबाबत बोलताना भागवत यांनी सांगितले की, संघात पदावरून निवृत्ती होऊ शकते, परंतु कार्यातून निवृत्ती नसते. मरते दम तक कार्य करते रहते लोग या विचारावर त्यांनी भर दिला. ते म्हणाले की, व्यक्ती ७५ वर्षांचा झाल्यावर दायित्वाशिवाय काम करावे, असे सामान्यतः मानले जाते. स्वतःच्या उदाहरणाद्वारे त्यांनी स्पष्ट केले की, संघाने सांगितले तर ते पदावरून निवृत्त होतील, परंतु त्यांचे कार्य सुरूच राहील. संघाच्या कार्यपद्धतीनुसार, कोणताही सदस्य सहजासहजी निवृत्त होऊ शकत नाही. जोपर्यंत शरीरात शक्ती आहे, तोपर्यंत कार्य करत राहण्याची अपेक्षा असते.