Dawood Ibrahim : दाऊद इब्राहिमच्या मुंबईतील जुन्या घराच्या तोडक कारवाईला हायकोर्टाची स्थगिती; पुढील सुनावणी कधी?
मुंबई उच्च न्यायालयाने दाऊद इब्राहिमच्या भेंडी बाजारातील मुसाफिरखाना इमारतीवरील पाडकामाच्या कारवाईला तात्पुरती स्थगिती दिली आहे. तळमजल्यावर प्रार्थनास्थळ असल्यामुळे हा आदेश देण्यात आला आहे. दाऊदचे कुटुंब १९७० च्या दशकात या इमारतीत राहत होते. आता २५ नोव्हेंबर रोजी पुढील सुनावणी होईपर्यंत कारवाई थांबवण्यात आली आहे.
कुख्यात डॉन दाऊद इब्राहिमच्या मुंबईतील भेंडी बाजारातील मुसाफिरखाना या जुन्या घरावरच्या तोडक कारवाईला मुंबई उच्च न्यायालयाने तात्पुरती स्थगिती दिली आहे. तळमजल्यावर प्रार्थनास्थळ असल्यामुळे कोर्टाने हा निर्णय घेतला आहे. पालिकेकडून धोकादायक ठरवलेली ही इमारत ८० वर्षांहून अधिक जुनी असून जीर्ण झाली आहे.
पालिका परिसरातील नागरिकांना होणारा धोका टाळण्यासाठी इमारतीचे पाडकाम करत होती. मात्र, हे प्रकरण कोर्टात गेल्याने कारवाई थांबवण्यात आली. दाऊदचे कुटुंब १९७० च्या दशकाच्या सुरुवातीला या इमारतीत भाड्याने राहत होते. दाऊद सुमारे १५ वर्षे या इमारतीत राहिला होता आणि येथूनच त्याने आपल्या गुन्हेगारी कारवायांची सुरुवात केली होती. डी-कंपनीची स्थापनाही याच इमारतीच्या तळमजल्यावर झाली होती.
आता २५ नोव्हेंबर रोजी या प्रकरणाची पुढील सुनावणी होणार असून, तोपर्यंत कारवाईस मनाई करण्यात आली आहे. कोर्टाच्या पुढील आदेशानंतरच याबाबत पुढील कारवाई केली जाणार आहे. सध्या या इमारतीची मालकी कोणाकडे आहे, याबाबतही कोर्टात वाद सुरू आहे.
Published on: Nov 19, 2026 08:24 PM
दाऊद इब्राहिमच्या मुंबईतील घराच्या तोडक कारवाईला हायकोर्टाची स्थगिती..
500 कोटींच्या ऑडिओ क्लिपवरुन मनोज जरागेंचा नवा दावा काय?
भाजप आमदार महेश बालदींना तीन वर्षांची कारावासाची शिक्षा; निकालानंतर...
दुष्काळाच्या पार्श्वभूमीवर फडणवीस सरकारचा महत्त्वपूर्ण निर्णय काय?

