भोंदूबाबा ट्रायडंटवरुन मंत्र्यांना आदेश द्यायचे, संजय राऊत यांचा धक्कादायक आरोप

नाशिकचे भोंदूबाबा प्रकरणात महिला आयोगाच्या अध्यक्षा रुपाली चाकणकर यांनी राजीनामा दिला आहे. या प्रकरणात रुपाली चाकणकर हे हिमनगाचे टोक आहे, एक बाबा गजाआड गेला आहे, पण असे अनेक बाबा आहेत असा आरोप शिवसेना नेते संजय राऊत यांनी केला आहे. दीपक केसरकर शिक्षण मंत्री असताना हे भोंदूबाबा खरात शिक्षण खात्यातील बदल्या करवून घ्यायचे. फडणवीस यांच्या मंत्रीमंडळातील महत्वाचा पोर्टफोलिओ सांभाळणारे नऊ मंत्री बाबांचे भक्त आहेत. भोंदूबाबा ट्रायडंटवरुन या मंत्र्यांना आदेश द्यायचे असाही आरोप संजय राऊत यांनी केला आहे. हिंदू धर्मातील या भोंदूगिरीविरुद्ध बाळासाहेबांनी नेहमीच आवाज उठवला. या हिंदूत्वासाठी बाळासाहेबांची शिवसेना सोडून ते गेले आहेत का ? असाही सवाल संजय राऊत यांनी केला आहे.