Bihar Elections 2024: इंडिया आघाडीचा तेजस्वी यादव मुख्यमंत्रीपदाचा चेहरा, NDAतून कोण? बिहारच्या राजकारणात महाराष्ट्राचं उदाहरण

बिहार विधानसभा निवडणुकीच्या रणधुमाळीत इंडिया आघाडीने राष्ट्रीय जनता दलाचे नेते तेजस्वी यादव यांना मुख्यमंत्रीपदाचा चेहरा म्हणून घोषित केले आहे. या घोषणेनंतर काँग्रेसने भाजपला आव्हान देत महाराष्ट्रातील राजकीय परिस्थितीचे उदाहरण दिले. भाजप अजूनही नितीश कुमार यांच्या नेतृत्वात निवडणूक लढणार असल्याचे सांगत असले, तरी मुख्यमंत्रीपदाचा उमेदवार कोण असेल, हे त्यांनी जाहीर केलेले नाही.

दुसरीकडे, बिहारमध्ये मुख्य लढत एनडीएतील भाजप आणि नितीश कुमार यांच्या जेडीयू यांच्यात, तर इंडिया आघाडीतील काँग्रेस आणि राजद यांच्यात आहे. बिहार विधानसभेत एकूण २४३ जागा असून, सत्तेसाठी १२२ जागांची आवश्यकता आहे. येत्या ६ आणि ११ नोव्हेंबर रोजी दोन टप्प्यांत मतदान होणार असून, १४ नोव्हेंबर रोजी निकाल जाहीर होईल. नितीश कुमार २००५ पासून बिहारच्या मुख्यमंत्रीपदी आहेत आणि त्यांनी वारंवार युती बदलून आपले पद टिकवले आहे.