Chitra Wagh : ठाकरे बंधूंच्या युतीवर चित्रा वाघ यांची बोचरी टीका, ट्विटच्या माध्यमातून टोलेबाजी!

भाजप नेत्या चित्रा वाघ यांनी महाराष्ट्र नवनिर्माण सेना प्रमुख राज ठाकरे आणि शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांच्या संभाव्य युतीवर जोरदार टीका केली आहे. चित्रा वाघ यांनी ट्विट करत म्हटले आहे की, डर ने उन्हें एक छत के नीचे तो ला दिया, मगर दीवारों का खौफ फिर भी गया नहीं. त्यांच्या या विधानाचा अर्थ असा की, एखाद्या भीतीपोटी या दोन्ही ठाकरे बंधूंना एकत्र येण्याची वेळ आली असली तरी त्यांच्यातील जुने मतभेद किंवा अविश्वासाची भिंत अजूनही कायम आहे.

महाराष्ट्राच्या राजकारणात राज ठाकरे आणि उद्धव ठाकरे यांच्यातील संभाव्य युतीची चर्चा सध्या मोठ्या प्रमाणावर सुरू आहे. विशेषतः आगामी मुंबई महानगरपालिका (BMC) निवडणुका आणि स्थानिक स्वराज्य संस्थांच्या निवडणुकांच्या पार्श्वभूमीवर या चर्चेला महत्त्व प्राप्त झाले आहे. अनेक वर्षांनंतर हे दोन्ही नेते एकत्र येण्याची शक्यता वर्तवली जात असताना, चित्रा वाघ यांनी केलेल्या या टीकेने राजकीय वर्तुळात नवा वाद निर्माण केला आहे. त्यांच्या या टिप्पणीमुळे ठाकरे बंधूंच्या संभाव्य राजकीय समीकरणांवर आणि त्यांच्या पुढील वाटचालीवर विविध चर्चांना उधाण आले आहे.