‘वहिनी आईसमान वाटते, तर मग तुम्ही…’, भाजपा नेत्याचा सुप्रिया सुळेंना खोचक सल्ला

‘आमची माऊली, मोठी वहिनी ही आई समान असते. माझ्यावर जे संस्कार झालेत, त्यात आपल्या मोठ्या भावाची बायको ही आपल्या आई समान असते. त्यामुळे आमच्या आईला भारतीय जनता पक्षाने लोकसभा निवडणुकीत उतरवावं लागतंय’, असं वक्तव्य सुप्रिया सुळे यांनी करत भाजपवर निशाणा साधला होता. यावर भाजप आमदार प्रवीण दरेकर यांनी सुप्रिया सुळे खोचक सल्ला दिला आहे. ‘आपली मोठी वहिनी आईसमान असल्याच सुप्रिया सुळे सांगत आहेत. भाजपा घरफोड्या करत असल्याचा आरोप त्या करतात. सुप्रिया ताई महाराष्ट्रातील जनतेला नीट माहित आहे, फोडाफोडीच राजकारण करणारा नेता या राज्यात कोण आहे?. ज्याने या महाराष्ट्रात अनेक घर फोडली. तो घरफोड्या कोण? हे महाराष्ट्राला नीट माहिती आहे. जर तुम्हाला वहिनी आईसमान वाटतात. मग तुम्ही आई विरोधात निवडणूक नका लढवू. त्या आईला तुम्ही समर्थन द्यायला पाहिजे’, असे दरेकर म्हणाले.