Narayan Rane : राजकीय निवृत्तीच्या चर्चांवर नारायण राणे यांचा यू टर्न; म्हणाले, माझ्या विधानाचा…

भाजप नेते नारायण राणे यांनी त्यांच्या राजकीय निवृत्तीच्या चर्चेवर स्पष्टीकरण दिले आहे. पूर्वीच्या विधानाचा वेगळा अर्थ काढण्यात आल्याचे त्यांनी म्हटले आहे. ‘जर मी लोकांना निकाल देऊ शकलो नाही, तर माझ्या पदाचा उपयोग काय? मग मी विचार करेन,’ असे आपले खरे विधान होते, असे राणे यांनी नमूद केले. आपण तत्काळ निवृत्त होत नसल्याचे त्यांनी स्पष्ट केले. राजकीय जीवनातील कटकारस्थानांचा उल्लेख करत, पदाचा उपयोग जनतेसाठी होत नसेल किंवा होऊ दिला जात नसेल, तर पूर्णविराम देण्याचा विचार करू असे राणे म्हणाले. दरम्यान, एका कार्यक्रमात त्यांना भोवळ आल्याच्या घटनेवरही त्यांनी भाष्य केले. व्यासपीठावर जाताना रक्तदाब कमी झाल्यामुळे आणि मधुमेहाची पातळी ३२५ च्या वर गेल्यामुळे चक्कर आल्याचे त्यांनी सांगितले. सध्या आपली तब्येत ठीक असून पुढील कार्यक्रमाला जात असल्याचे राणे यांनी स्पष्ट केले. टीव्ही नाईन मराठीच्या वृत्तानुसार, राणेंनी आपल्या राजकीय भूमिकेबाबत आणि आरोग्याबाबतच्या चर्चांना पूर्णविराम दिला आहे.