विधिमंडळ परिसरात नितेश राणे आणि अबू आझमी भिडले, कोणत्या कारणावरून झाला दोघांत वाद?

मुंबई : महाराष्ट्रात सध्या अर्थसंकल्पीय अधिवेशन सुरू आहे. अशातच लव्ह जिहादच्या मुद्द्यावरून भाजप आमदार नितेश राणे आणि समाजवादी पक्षाचे आमदार अबू आझमी यांच्यात जोरदार खडाजंगी झाल्याचे पाहायला मिळाले. विधानभवन परिसरातच हे दोघंही नेते आमने सामने आले असून त्यांच्यात जोरदार शाब्दीक चकमक झाली. दोघांनीही एकमेकांना लव्ह जिहादच्या मुद्द्यावरून खडे बोल सुनावले. विधानभवनाबाहेर प्रसारमाध्यमांसमोर नितेश राणे यांनी मदरसा अनधिकृतपणे उभारला जात असल्याचा मुद्दा उपस्थित केला. ग्रीन झोनमध्ये मदरसा उभारले जात आहे अशी तक्रार नितेश राणे यांनी अबू आझमी यांच्याकडे केली. तर यावर अबू आझमी यांनी हे खोटं असून मी कधीही तुमच्यासोबत येऊ शकतो, असे आव्हान दिले.