Maharashtra Election Results 2026 : शिंदेंच्या शिवसेनेला मुंबईतून मोठा धक्का, समाधान सरवणकर हे पिछाडीवर, आघाडी कुणाची?

मुंबई महानगरपालिका निवडणूक 2026 च्या निकालांमध्ये शिंदे गटाला मुंबईतून मोठा धक्का बसला आहे. शिंदे शिवसेनेचे उमेदवार समाधान सरवणकर हे पिछाडीवर आहेत, तर उद्धव ठाकरे यांच्या शिवसेनेचे उमेदवार निशिकांत शिंदे यांनी आघाडी घेतली आहे. मुंबईतील प्रभाग 194 मध्ये निशिकांत शिंदे हे सध्या 133 मतांनी आघाडीवर आहेत. निशिकांत शिंदे यांनी सुरुवातीला 424 मतांनी आघाडी घेतली होती. ते सुनील शिंदे यांचे बंधू आहेत. संतोष धुरी यांनी मनसेमधून भाजपमध्ये प्रवेश केल्याने निशिकांत शिंदे यांना उमेदवारी मिळाली होती. समाधान सरवणकर हे पिछाडीवर असल्याने शिंदे गटासाठी हा एक महत्त्वाचा धक्का मानला जात आहे. सध्या हाती आलेल्या 115 जागांच्या कलांनुसार, भाजप 45 जागांवर, शिंदे गट 16 जागांवर आघाडीवर असून, त्यांची एकूण आघाडी 61 जागांवर आहे. राष्ट्रवादी काँग्रेस एका जागेवर आघाडीवर आहे.