Pune Car Accident CCTV : अंगावर काटा आणणारी अपघाताची घटना CCTV मध्ये कैद

पुणे : शहरात दिवसा ढवळ्या एका व्यक्तिच्या अंगावरून गाडी घालण्याची घटना समोर आली असून यामुळे खळबळ उडाली आहे. तर रस्त्याच्या कडेला झोपलेल्या व्यक्तीच्या अंगावर गाडी घातल्याप्रकरणी पुण्यातील (Pune) व्यावसायिकावर गुन्हा दाखल करण्यात आला आहे. 20 एप्रिल रोजी पुण्यातील सॅलिसबरी पार्कात ही घटना घडली होती. त्यानंतर या घटनेचे सीसीटीव्ही फुटेज आता समोर आले आहे. यावेळी एक व्यक्ती फुटपाथच्या बाजूला झोपली होती. त्यावेळी गाडी पुढे घेताना अंदाज न आल्याने या व्यावसायिकाने अंगावरून गाडी चालवल्याचे दिसत आहे. त्यानंतर याप्रकरणी मार्केटयार्ड पोलीस (Market police) ठाण्यात अनूप मेहता या व्यावसायिकावर याप्रकरणी गुन्हा दाखल करण्यात आला आहे. तसेच त्याला अटक (Arrest) करण्यात आली आहे.