Amazon: Flipkart : ॲमेझॉन-फ्लिपकार्टला CCPAचा मोठा दणका! विना नोंदणी कीटकनाशकांच्या विक्रीप्रकरणी थेट…

केंद्रीय ग्राहक संरक्षण प्राधिकरण (CCPA) ने ॲमेझॉन आणि फ्लिपकार्ट या ई-कॉमर्स कंपन्यांना २५ लाखांचा दंड ठोठावला आहे. ऑनलाइन पोर्टलवर विना नोंदणी कीटकनाशकांची विक्री केल्याप्रकरणी ही कठोर कारवाई करण्यात आली आहे.

मिळालेल्या माहितीनुसार, सीसीपीएने ॲमेझॉन आणि फ्लिपकार्ट या दोन्ही प्रमुख ऑनलाइन शॉपिंग प्लॅटफॉर्मवर नोंदणी नसलेल्या कीटकनाशकांची विक्री केली जात असल्याचे निदर्शनास आणले. ग्राहक संरक्षण कायद्याचे उल्लंघन करत करण्यात आलेल्या या बेकायदेशीर विक्रीमुळे ग्राहकांच्या आरोग्याला आणि सुरक्षिततेला धोका निर्माण होऊ शकतो, असे सीसीपीएने म्हटले आहे.

या कारवाईअंतर्गत, सीसीपीएने केवळ दंडच ठोठावला नाही, तर अशा प्रकारच्या कीटकनाशकांच्या विक्रीवर आणि त्यांच्या जाहिरातीवर त्वरित बंदी घालण्याचे आदेशही दिले आहेत. या आदेशामुळे ऑनलाइन माध्यमातून होणाऱ्या अनधिकृत आणि धोकादायक उत्पादनांच्या विक्रीला आळा घालण्यास मदत होईल अशी अपेक्षा आहे. ग्राहक हिताचे रक्षण करण्यासाठी आणि ई-कॉमर्स कंपन्यांना नियमांचे पालन करण्यास भाग पाडण्यासाठी सीसीपीएने उचललेले हे महत्त्वाचे पाऊल मानले जात आहे.