कुठेतरी काहीतरी गडबड झालीये! छगन भुजबळ यांचं विमान अपघातावर मोठं वक्तव्य

राष्ट्रवादी काँग्रेसचे नेते छगन भुजबळ यांनी नुकत्याच झालेल्या अजित पवार यांच्या विमान अपघातासंदर्भात गंभीर शंका उपस्थित केली आहे. भुजबळांनुसार, विमान हवेत घिरट्या घालत असताना अचानक पलटी मारताना दिसले. या घटनेमुळे कुठेतरी काहीतरी गडबड झाली असल्याची शक्यता त्यांनी वर्तवली आहे.

भुजबळ यांनी आपल्या निरीक्षणाचे वर्णन करताना सांगितले की, “विमान घिरट्या घालत असताना अचानक पलटी मारताना दिसतंय.” पुढे ते म्हणाले की, दुसऱ्या घिरटीमध्येही सरळ असलेले विमान अचानक पलटी मारल्यासारखे दिसले आणि त्यानंतर काही क्षणांमध्ये होत्याचे नव्हते झाले. ही स्थिती पाहून इंजिनमध्ये किंवा रडारमध्ये काहीतरी तांत्रिक बिघाड झाला असावा, असा कयास भुजबळांनी व्यक्त केला.

या घटनेची सखोल चौकशी होणे आवश्यक आहे असे ते म्हणाले. भुजबळ यांनी आपण यातील तज्ञ नसलो तरी, सर्वसामान्य नागरिकांच्या दृष्टीने यावर बोलत असल्याचे स्पष्ट केले. या दुर्घटनेत सोन्यासारखी माणसे गमावली असून, त्यांची उणीव कधीही भरून काढता येणार नाही, असेही त्यांनी दुःख व्यक्त केले.