जल्लोष बाप्पाच्या आगमनाचा! चिंचपोकळीच्या चिंतामणीचं आज आगमन, भाविकांची अलोट गर्दी…

चिंचपोकळीच्या चिंतामणीचं आज आगमन होत आहे. चिंतामणी  कलागंध आर्ट्स, परळ मंडपातून बाहेर येईल त्यानंतर बी ए मार्गावर ही आगमनाची मिरवणूक आहे. चिंतामणीची पहिली झलक बघण्यासाठी भाविकांनी मोठ्या संख्येने गर्दी केलेली आहे.

यावर्षीचा चिंचपोकळीचा चिंतामणी हा छत्रपती संभाजी महाराजांवर आधारित आहे. ज्यामध्ये सिंहासनावर विराजमान असलेली मूर्ती राजेशाही मराठा वैभवाचे प्रतिबिंबित करते. चिंतामणीची उंची ही सुमारे 21 ते 22 फूट आहे. त्याच्या उंच मूर्ती आणि उत्साही ढोल-ताशा पथकांसाठी ओळखले जाणारे, चिंचपोकळीचा चिंतामणी आगमन हे शहरातील उत्सव एक आकर्षण असतं. चिंतामणीच्या आगमनाबरोबर अनेक लहान मोठ्या मंडळांच्या गणपतींचं सुद्धा आज आगमन होणार आहे. पाऊस सुरू असताना देखील चिंतामणीच्या दर्शनासाठी भाविकांनी एकच गर्दी केलेली असून जल्लोष आणि उत्साहाच वातावरण बघायला मिळत आहे.