Shinde-Fadnavis : पद एकच मात्र आदेश दोन… फडणवीस अन् शिंदेंच्या खात्यांमध्ये नेमणुकीवरून नवं युद्ध? चर्चांना उधाण

देवेंद्र फडणवीस आणि एकनाथ शिंदे यांच्या खात्यांमध्ये नेमणुकीवरून नवं युद्ध रंगलं का? अशी चर्चा राजकीय वर्तुळात सुरू आहे. कारण एकाच पदाकरता एकाच दिवशी दोन विभागाकडून दोन वेगवेगळे आदेश काढण्यात आल्याचे पाहायला मिळालंय. बेस्टचा अतिरिक्त कार्यभार एकनाथ शिंदे यांनी अश्विनी जोशी यांच्याकडे सुपूर्द केला तर फडणवीसांच्या खात्याकडून आशिष शर्मा यांची त्याच पदावर नेमणूक केली असल्याचे समोर आले.

दरम्यान, प्रशासनाकडून झालेल्या या सावळ्या गोंधळावरून विविध तर्क वितर्कांना आता उधाण आलं आहे. एकीकडे सामान्य प्रशासन विभागाकडून एक परिपत्रक काढलंय तर दुसरीकडे नगरविकास खात्याकडूनही एक परिपत्रक जारी करण्यात आलंय. त्यामुळे बेस्टचा अतिरिक्त कार्यभार दोन व्यक्तींकडे सोपवल्याचे यावरून दिसतंय. याआधी बेस्टचे व्यवस्थापक म्हणून एकच व्यक्ती आपली जबाबदारी सांभाळत होता. मात्र आता बेस्टचा अतिरिक्त कार्यभार दोन व्यक्तींकडे देण्यात आल्याने चर्चा सुरू झाल्यात.