धाराशिवमध्ये रात्रभर जोरदार पाऊस, तेरणा नदीला पुराचा धोका

धाराशिव तालुक्यात काही दिवसांच्या विश्रांतीनंतर पुन्हा मुसळधार पाऊस सुरू झाला आहे. या पावसामुळे तेरणा नदी खुलून वाहत आहे आणि पुराचा धोका निर्माण झाला आहे. तेरणा धरणातून मोठ्या प्रमाणात पाण्याचा विसर्ग केला जात आहे. तुळजापूर, उमरगा, कम आणि वाशी परिसरात पावसाने मोठ्या प्रमाणात हजेरी लावली आहे. शेतीपिकांचे मोठे नुकसान झाले आहे. तेरणा नदीकाठच्या गावांना प्रशासनाने सतर्कतेचा इशारा दिला आहे. काही ठिकाणी संपर्क तुटला असून पूल तुटल्याचीही माहिती आहे. प्रशासनाने पर्यायी मार्गांचा वापर करण्याची सूचना दिली आहे. मात्र, नदीकाठावर गर्दी असून सुरक्षेचा अभाव जाणवत आहे. यामुळे पोलिस बंदोबस्ताची मागणी केली जात आहे.