रावेर मतदार संघात सासरा विरुद्ध सून असा सामना रंगणार

जळगाव | 31 डिसेंबर 2023 : जळगावातील रावेर लोकसभा मतदार संघात सासरा विरुद्ध सुन असा सामना रंगण्याची शक्यता आहे. आपण रावेर मतदार संघातून लढण्यास तयार आहोत. आणि पक्षानेही तसा निर्णय आपल्याला कळविला असल्याचे राष्ट्रवादी शरद पवार गटाचे नेते एकनाथ खडसे यांनी म्हटले आहे. रावेरची जागा राष्ट्रवादी कॉंग्रेस पक्षासाठी सोडावी अशी मागणी आम्ही महाविकास आघाडीकडे केल्याचे एकनाथ खडसे यांनी म्हटले आहे. दुसरीकडे पक्षाने संधी दिली तर पुन्हा एकदा लढणार असी खडसे यांची सून भाजपा खासदार रक्षा खडसे यांनी म्हटले आहे. एकनाथ खडसे यांनी आपल्याला डॉक्टरांनी परवानगी दिली तर आपण निवडणूक लढण्यासाठी तयार असल्याचे म्हटल्याचे एकनाथ खडसे यांनी म्हटले आहे. त्यामुळे जर सर्वकाही सुरळीत झाले तर रावेर लोकसभा मतदार संघात सासरा विरुद्ध सून असा सामना पाहायला मिळू शकतो.