Parth Pawar Land Deal : अजितदादांच्या मुलाला मोठा दणका, ‘त्या’ जमीन व्यवहार प्रकरणी मोठी अपडेट, अमेडीया कंपनीला…

राज्याचे उपमुख्यमंत्री अजित पवार यांचे सुपूत्र पार्थ पवार यांच्याशी संबंधित अमिडिया कंपनीला नोंदणी व मुद्रांक शुल्क विभागाने नोटीस बजावली आहे. या नोटीसनुसार, कंपनीने एका जमीन खरेदी व्यवहारासाठी केवळ ₹५०० मुद्रांक शुल्क भरल्याचा आरोप आहे. वास्तविक पाहता, २ टक्के दराप्रमाणे अंदाजे ₹६ कोटी मुद्रांक शुल्क भरणे अपेक्षित होते.

अंबादास दानवे यांनी याबाबत आरोप केले होते. या आरोपानंतर नोंदणी व मुद्रांक शुल्क विभागाने अमिडिया कंपनीला नोटीस बजावून स्पष्टीकरण मागितले आहे. कंपनीने मुद्रांक शुल्क विभागाची दिशाभूल केल्याचा आरोप होत आहे. या नोटिसीनुसार, अमिडिया कंपनीला तात्काळ उर्वरित ₹६ कोटी शुल्क भरण्याचे आदेश देण्यात आले आहेत. या प्रकरणी पुढील चौकशी होण्याची शक्यताही वर्तवण्यात येत आहे. अजित पवार यांनी मात्र यावर कोणतीही प्रतिक्रिया दिलेली नाही.