Gokul Milk Union Update : शासन नियुक्त 4 संचालक मतदान करणार, गोकुळच्या अद्यक्षपदासाठी सर्वात मोठी अपडेट समोर!

गोकुळ दूध संघाच्या अध्यक्षपदाची निवडणूक उद्या ठरल्याप्रमाणे होणार आहे. या निवडणुकीत 25 निवडून आलेल्या सदस्यांसह शासनाने नियुक्त केलेल्या चार सदस्यांनाही मतदानाचा अधिकार मिळणार आहे. औरंगाबाद खंडपीठाने या चार सदस्यांची नियुक्ती रोखण्यास नकार दिल्याने त्यांच्या मतदानावरचा कायदेशीर पेच सुटला आहे. या चार शासन नियुक्त सदस्यांनी केलेले मतदान मात्र वेगळे ठेवले जाणार आहे, अशी माहिती समोर आली आहे.

संपूर्ण मतदान प्रक्रिया पारदर्शकतेसाठी व्हिडीओग्राफी केली जाईल. या प्रकरणाची पुढील सुनावणी 25 नोव्हेंबर रोजी होणार आहे. या निर्णयामुळे महायुतीचा अध्यक्ष होण्याचा मार्ग मोकळा झाल्याचे बोलले जात आहे. समविचारी आघाडीने या नियुक्त सदस्यांच्या मतदानाच्या अधिकाराला आव्हान दिले होते, मात्र न्यायालयाने त्यांना मतदानात सहभागी होण्याची परवानगी दिली आहे. उद्या सकाळी 11 वाजता गोकुळ शिरगाव येथील प्रधान कार्यालयात ही अध्यक्ष निवड सभा पार पडेल.