DCM एकनाथ शिंदेंची शेतकऱ्यांसोबत दिवाळी, शेतकऱ्याच्या मुलीच्या शिक्षणासह लग्नाची जबाबदारी स्वीकारली

उपमुख्यमंत्री एकनाथ शिंदे यांनी यंदाची दिवाळी जालन्यातील भिलपुरी गावातील शेतकरी अंबादास तांगडे यांच्या कुटुंबासोबत साजरी करण्याचा निर्णय घेतला आहे. दिवाळीनिमित्त ते भिलपुरी येथे पोहोचले असून, अंबादास तांगडे यांच्या कुटुंबासोबत सलोख्याने संवाद साधणार आहेत. या भेटीदरम्यान, शिंदे यांनी कुटुंबातील एका मुलीच्या शिक्षणाची आणि लग्नाचीही जबाबदारी स्वीकारली.

अंबादास तांगडे यांच्या घरात एका मुलीचे वडील वारले असून, ती मुलगी सध्या बारावीत शिकत आहे. तिला पोलीस बनण्याची इच्छा आहे. उपमुख्यमंत्री शिंदे यांनी त्या मुलीच्या संपूर्ण शिक्षणाचा आणि तिच्या लग्नाचा खर्च उचलण्याचे आश्वासन दिले. “मी करीन बेटा तुझं. साहेबांना सांगितलंय नाला, मी करीन,” असे म्हणत त्यांनी या जबाबदारीला दुजोरा दिला. ही घटना मुख्यमंत्र्यांची समाजाशी असलेली जवळीक आणि सामाजिक बांधिलकी दर्शवते. याशिवाय, शिंदे मौजपुरी गावातील शेतकऱ्यांसोबतही संवाद साधणार आहेत