Gold-Silver Prices Soar : गुंतवणूकदार मालामाल, सामान्यांची दाणादाण, सोने-चांदीच्या दरात विक्रमी वाढ, प्रति तोळ्याचा भाव तर बघा!

सध्या दिवाळी आणि लगीनसराईच्या तोंडावर सोने आणि चांदीच्या भावाने उच्चांक गाठला आहे. यामुळे गुंतवणूकदारांना मोठा फायदा होत असला तरी, सामान्य खरेदीदारांना मात्र मोठा आर्थिक फटका बसत आहे. सध्या एक तोळा 24 कॅरेट सोन्याचा भाव 1 लाख 24 हजार रुपयांवर पोहोचला आहे, म्हणजे 10 ग्रॅम सोन्यासाठी सर्वसामान्यांना सव्वा लाखांहून अधिक रक्कम मोजावी लागत आहे.

गेल्या फक्त एका वर्षात सोन्याच्या दरात 46,408 रुपयांची वाढ नोंदवली गेली आहे. चांदीनेही यात मोठी वाढ दाखवत प्रति किलो 1 लाख 67 हजार रुपयांचा सार्वकालिक उच्चांक गाठला आहे. सराफ बाजार उघडल्यानंतर अवघ्या काही तासांत चांदीच्या दरात सात हजार रुपयांची वाढ झाली, हे या दरवाढीचे गांभीर्य दर्शवते. सोन्या-चांदीच्या या अनपेक्षित आणि वेगवान वाढीमुळे मध्यमवर्गीय कुटुंबांचे लग्नाचे बजेट पूर्णतः कोलमडले आहे. अनेक जण आपल्या सोन्याच्या खरेदीत कपात करून हौस पूर्ण करत आहेत.