Jalgaon Silver Rate Hike : जळगावच्या सराफा बाजारात चांदी चमकली… एका तासात तब्बल ‘इतक्या’ हजारांची विक्रमी वाढ

जळगावच्या सराफा बाजारात चांदीच्या दरात मोठी आणि विक्रमी वाढ झाल्याचे समोर आले आहे. गेल्या काही काळात दरांमध्ये चढ-उतार होत असताना, जळगावमधील चांदीच्या दराने एका तासातच तब्बल 7 हजार रुपयांनी वाढ नोंदवली आहे. या अचानक वाढीमुळे बाजारात आश्चर्य व्यक्त केले जात आहे.

मिळालेल्या माहितीनुसार, जळगाव सराफा बाजारात आता चांदीचा दर जीएसटीसह 1 लाख 67 हजार रुपये प्रति किलोवर पोहोचला आहे. ही वाढ अत्यंत कमी वेळात झाल्याने गुंतवणूकदार आणि सामान्य ग्राहकांमध्ये चर्चा सुरू आहे. जागतिक बाजारपेठेतील घडामोडी आणि स्थानिक मागणीचा परिणाम म्हणून ही वाढ झाली असावी असा अंदाज आहे, तरीही एका तासात एवढी मोठी वाढ ही असामान्य मानली जात आहे. सराफा बाजारात सध्या मोठ्या प्रमाणात उलाढाल होताना दिसत आहे.