UPS : केंद्रानं मंजूरी दिलेली युनिफाईड पेन्शन योजना नेमकी काय? किती पेन्शन कर्मचाऱ्यांना मिळणार?

केंद्रीय कर्मचाऱ्यांसाठी एक खुशखबर आहे. नव्या पेन्शन योजनेला केंद्रीय मंत्रिमंडळाने मंजूरी दिली आहे. युनिफाईड पेन्शन स्कीम असं या नव्या पेन्शन योजनेचं नाव आहे. निवृत्ती पूर्वीच्या वेतनाची ५० टक्के रक्कम ही पेन्शन म्हणून मिळणार आहे. तर २५ वर्ष सेवा पूर्ण करणाऱ्या कर्मचाऱ्यांना युनिफाईड पेन्शन स्कीमचा लाभ मिळणार आहे. देशभरात जुनी पेन्शन लागू करण्यात यावी, म्हणून विविध संघटना आंदोलन करत असल्याचे पाहायला मिळत आहे. मात्र केंद्र सरकारने युनिफाईड पेन्शन देण्याचा निर्णय केंद्रीय मंत्रिमंडळ बैठकीत घेतला आहे. केंद्रीय मंत्री अश्विनी वैष्णव यांनी यासंदर्भातील माहिती दिली आहे. केंद्रानं मंजूरी दिलेल्या युनिफाईड पेन्शन योजनेचा फायदा केंद्रीय कर्मचाऱ्यांना होणार आहे. राज्य सरकारसुद्धा हा निर्णय लागू करण्याची शक्यता आहे. किमान दहा वर्ष नोकरी करणाऱ्याला १० हजार पेन्शन मिळणार आहे. जर सरकारी नोकरी करत असतना पतीचा मृत्यू झाल्यास पत्नीला पगाराच्या ६० टक्के इतकं पेन्शन देण्यात येणार आहे.